السلام عليكم
زي ما هو باين من العنوان اخواتي
طفلي عمره سنة و ثلاثة اشهر
دوم يضرب الأطفال اللي معانا بالبيت (أولاد اعمامه)
كان قبل يكمل السنة لما يضربونه ما يتحرك من مكانه
بعد مدة تفرعن و صار يضربهم خصوصا على الراس و يمسكهم من شعرهم
و حتى أنا دايما يجر شعري
و المشكلة احسه يبي يلفت نظري .. لأن يعلق يده و يطالعني انا و ام الطفل اللي راح يضربه
حتى لو اقوله لأ او عيب .. يتبسم و يضربه
كلما ضرب طفل اضربه على يده و اقول له لأ .. عيب .. ما يضربون الدادا ..
ابد ما يفيد ...
المشكلة حتى لو بتجاهله مو معقول لأن ما يرحم الطفل اللي يمسكه
و ربي تاعبني هالطفل ....
معلومة أخيرة .. لاحظت انه يوم اللي احد يضربه او يعامله
بعنف (بالنسبة لأي طفل) خصوصا اذا كنت انا اللي ضاربتنه
اذا صارالليل ما تكون نومته مستقرة و كل شوي يصحى يصيح و ما ينام الا على يدي
ما أدري من باب الصدفة لو فعلا يتأثر ...
هو وحيدي .. ما ادري اخواتي اذا عندكم تجارب مثيلة و شلون غيرتو هالعادة في أولادكم ؟؟:angry:
Child_Smile @child_smile
عضوة جديدة
يلزم عليك تسجيل الدخول أولًا لكتابة تعليق.
اه مثل حالة ولدي تخيلي صرت ما احب اطلع بسببه وبالاصح احرم نفسي من الطلعات ...الله يكون بالعون
اسرارر
•
عادي اغلب الاطفال كذا انا كان ولدي يفشلني والله لكنه بعد شهور كذا احسه عقل وصار يجي بالاقناع لاني لوضربته او قلت له لاعاد تسوي كذا يتمادى وان طنشته اوقلت له شاطر حبيبي انت بطل ورجال ورح اوديك الملاهي واوديك البقاله والناس يزعلون علينا ليش كذا ومن ها الكلام يمشي معاك لا تقوليلي صغير وما يفهم الا يفهم عليك يعني بعض الاطفال يجوا بالاقناع وهي فتره وتعدي بإذن الله
أوقات إلي تشوفينه طيوب وشحليله...
مدحيه وإذا أحد كان معاكم مدحيه قدامه
طفلك صغنون...وإسلوبه في جذب إهتمامك هو ضربه للأطفال
إنتي غيري إسلوبه.... إذا سوى شئ طيب مدحيه
وإذا رحتو مثلا ملاهي أو مكان يحبه...بيني له إنكم رحتو هالمكان لأنه سوى حركة طيبة
مدحيه وإذا أحد كان معاكم مدحيه قدامه
طفلك صغنون...وإسلوبه في جذب إهتمامك هو ضربه للأطفال
إنتي غيري إسلوبه.... إذا سوى شئ طيب مدحيه
وإذا رحتو مثلا ملاهي أو مكان يحبه...بيني له إنكم رحتو هالمكان لأنه سوى حركة طيبة
الصفحة الأخيرة
واستعملي إياه برنامج الجزاء والعقاب أي إذا حصل اجتماع عندكم قولي له إذا ضربت أحد بحرمك من شيء يحبه واستخدمي غقاب الكرسي اللي في سوبر ناني وإن شاء الله بيفيد وإياه . والله يهديه
وادعي الله يعافي بنتي والله يرزقها أخت أو اخو.