نصيحتكم يا أخوات، أدخله ولا لا؟؟

السلام عليكم ورحمة الله وبركاته

خواتي حبيت آخذ رآيكم في السن المناسب لإدخال الطفل للروضة ، أنا ولدي عمره الحين سنتين ونص دخلته مع بداية العام الدراسي حضانة والحمدالله متأقلم فيها وتعود على الدوام ، يتعلم في الحضانة التلوين واللعب بالمعجون واللصق بالإضافة
لبعض المفردات والحروف والألوان.

أنا الحمدلله من قبل ما يدخل الحضانة وما زلت أعلمه في البيت ، شاريتله كتب مصورة والحين ماشاء الله يعرف أسماء أغلب الحيوانات بالعربي والإنجليزي ، يعرف يعد من واحد لين عشرة بالإنجليزي ، يعرف الألوان ( بعد بالإنجليزي :()والحين تقريباً حافظ سورة الفاتحة وأعلمه الإخلاص.

يعني أحس إنه عنده استيعاب ، فما أدري هل ينفع أحطه السنة الياية في الروضة وبيكون مكمل ثلاث سنوات ولا المفروض ما استعجل ، أخاف أنه اللي بيتعلمه في الروضة ما بيناسب قدراته في هالعمر ، وفي نفس الوقت ما أريد أرجع أحطه في حضانة سنة ثانية .

ياليت خواتي تفيدوني في هالموضوع وهل في وحدة حطت بنتها أو ولدها في الروضة بعمر ثلاث سنوات؟؟ وهل حصلت صعوبة معاه؟ أو عانت من تأخره الدراسي؟؟


سؤال ثاني ولو أني طولت عليكم ، ألاحظ ولدي يستخدم ايده اليسار في الكتابة هل اخليه يستمر في هالأمر ولا لازم أعوده يكتب باليمين من الحين؟؟


أختكم

لامع البرق