دكتورة رانيا :

لا تخليه يمسك عليكي شي خليكي دايما قايمة بوآجبآتك ملابسو نضيفة اكلو جاهز بيتو نضيف لا تقصري ابدا من دي الناحية لا تقارني نفسك بأحد فلانة جوزها جابلها اش معنى انا فلانة عملت فلانة تركت حطي ببالك انو كل عيلة ليها ظروفها احترمي امو وابوه واهلو عامة ولا تكني لهم الا الاحترام لا تحقدي عليهم وتدخلي وإنتي نيتك تبعديهم عن ولدهم وتعملي عداوات واتزكري انو برضاهم ربي حيطرح البركة في حياته اللي هيا حياتك ولا تسطي عليهم وتسطيهم عليكي وتروحي تطلعي كل اسرارك عندهم وتخليهم يتدخلو بحياتك خليك وسطية في كل شي اسرار بيتك لا تطلع برا لا لأهلك ولا لاهلو ولا لصحباتك ولا لاحد أسراركم بينكم لانو م تدري مين اللي حيستغلها ضدك ويسبب لك المضرة مشاكلكم كمان بينكم واختاري الوقت المناسب وناقشوها بهدوء بلا صراخ وبلا دمووووع وعناد لانها ما حتحل شي لاتكوني مادية وأنانية ومعليش ع الكلمة لا تكوني "زي السلعة " يرمي لك فلوس يملكك لااااا لازم يكون حبو واحترامو هوا مفتاحك ويعرف انو فلوس الدنيا كلها مو هيا اللي حتخليه يحافظ عليكي جنبو خلي لسانك دايما يقطر عسل لا تصيري زي اللي وقت ماتبغى شي الله الله ولما تاخد حاجتها تقلب حيحقد عليكي اسمعي كلامو خصوصا اول سنة يبغى يعمل فيها سي السيد عليكي ومالو خليه يعيش الجو واصلا طآعتو واجبه عليكي سيبي العناد لانو حيكسر راسك ويكسر كلمتك حبيييييه من قلبك ولا تكوني معاه بوجهين لانو ان شاء الله دا اللي حتعيشي معاه لآخر يوم في حياتك حني عليه ودلعيه واتزكري انو تعب حوش وراح وجا وتعب عشين يرتبط فيكي وتحني عليه فارحميه واوقفي جنبو بدون م تضغطي على نفسك وتضحي وطبعا حبي نفسك ودلعيها بدون انانية وخليكي داااااايما نضيفة وحلوة ومتشيكة مو بس عشينو لا عشين انتي كمان نفسيتك تكون احسن وتكوني دايما مبسوطة وعال العال واتزكري دايما انو صحتك وجمالك هما راااااس مالك في دي الدنيا وطبعا دايما تتصدقي انتي وهوا وتتحصنو وتدعو لبعض انو ربي يخليكم لبعض ويسعدكم ويحفظ زواجكم الله يسعدك ويوفقك ي ر

لا تخليه يمسك عليكي شي خليكي دايما قايمة بوآجبآتك ملابسو نضيفة اكلو جاهز بيتو نضيف لا تقصري ابدا...