نصيحتك في هذا الموضوع ياحواء

السلام عليكم ورحمة الله وبركاته
خواتي عالم حواء
ابغى منكم مساعده ومشوره اقدر اقدمها لصاحبتها
وحده من صديقاتي المقربات جدا احبها كثير واتعاطف مع حالها ومشاكلها صديقتي متزوجه من ست سنوات تقريبا
ومن بداية زواجها عاشت مشاكل مع زوجها
وكانت تشتكي لي واقولها اصبري وانتظري وسوي كذا وسوي كذا وكانت تسمع رايي وتنفذه وفي كل مره تصير مشكله انصحها يالصبر
مع ان قلبي يتقطع عليها لأن مشاكلها مع زوجها لاتحتمل والحين بعد هالعمر الطويل حسيت بالذنب لأني انا من نصحها تتحمل هالعيشه معه والسبب اللي يخليني انصحها تبقى معه رغم اللي يسويه فيها انها يتيمه ماعندها لا ام ولا اب وكانت عايشه مع اخوانها وزوجاتهم ومن حبي لها ماودي ترجع تعيش معهم على الاقل تتحمل وتغير من طباع زوجها وتكون حياتها الخاصه
ولها اسبوع تقولي انا بطلب الطلاق وتستشيرني وانا بصراحه ماعاد اقدر انصحها لأن كل نصايحي جربتها ولافادت وبنفس الوقت هي تلومني لاني كنت اقنعها تبقى معه واني كنت اقولها جيبي منها اطفال وبيحس بالمسؤليه ويتغير
ومتضايقه مني لأنها اعتبرتني اختها وتقول لو فعلا تحبيني وتبين لي الخير كان نصحتيني وشجعتيني اني اتطلق منه من اول مشكله
مشكلة صديقتي متردده ولو اقولها خلاص روحي لأهلك تقول لو رحت من بيصرف على عيالي ولو رحت مالي مكان عندهم كل اخواني متقاسمين بيت الوالد ولا لي مكان لي ولعيالي
واذا قلت لها اصبري على زوجك تقول مقدر اتحمله لأنه يضربني على اتفه سبب دايم يخليني بروحي بالبيت تعبت من الوحده اخلاقه سيئه معي يتلفظ علي ويهيني بأبشع الكلمات حتى لو مااخطيت عليه يخطيني وفوق كل هذا يسافر للمغرب ويخوني ودرت بهالشي لأنه جا مره لي سكران وقالها انه راح وانها نام مع وحده وتقول بعدها صرت اشوف جواله وفعلا ألقاه متفق مع اخوياه على وحده يجيبونها او القاه مكلم رقم غريب وتطلع بنت
سألتها تقدرين تتحملين تقول مقدر ودي اعيش واكون نفسي اكمل دراستي وابني حياتي انا وعيالي بس خايفه من المستقبل خايفه من العيشه الصعبه كيف اقدر اصرف على نفسي وانا شهادتي ثانوي
ومشكلتها الكبيره تقول انه مايصلي ومقتنعه انه لو كان يصلي كان ماكان هذا الحال
لو يصلي كان صارت اخلاقه طيبه وسمحه وخاف الله فيها وفي عياله
بنات حواء هذا باختصار مشكلتها وانا ابغى منكم كرما لاامرا تعطوني مشورتكم
هل فعلا اقول لها اصبري او اشجعها تتطلق
لأني أعرفها هي بس تحتاج احد يقنعها ويقولها ان كل شي بعد الطلاق بيكون تمام مافي شي يخوف
بأختصار هي محتاجه الدعم النفسي وتبغى تحس بالأمان
وانا ماالومها دام زوجها نزع هالشي منها وخلاها كذا
تقول لي انه يحبني وتجيه اوقات يقول ان مهما يصير بينا مراح اطلقك لأني احبك
لكن هي ماتصدقه وانا بصراحه اشوف انه يكذب كيف يحبها وهو يحب ينكد عليها لو تطلب منه يطلعها يغير لها جو سبب مشكله عشان تصصير هي الغلطانه ..
غالياتي وش الحل
مع ان اخوانها وزوجاتهم طيبين معها لكن هي تخاف الحال يتغير لو رجعت تسكن معهم وهي بالاساس حتى مكان عندهم مالها يعني بيوتهم ع قدهم
وش الراي السليم مع مشكلتها
ولكم دعوة مني لكم بالنيابه عنها
لأنها طبعاً ماعندها خبر اني استشيركم
وكل همي اساعدها واسعدها لأنها اختي ماجابتها لي امي