بسم الله الرحمن الرحيم
السلام عليكم
انا ماعندي كلام كثير بس شي في نفسي وقلت اوصله من باب النصيحه اللي بغيت اقوله يابنات كثير هنا نقرا قصص ومشاكل الله يعينا والجميع ويفرج همنا وهم كل مسلم ومسلمه بس بغيت اقول وش الاسباب اللي تزيد من هالمشاكل والطلاق لاحول ولاقوة الا بالله بعض القصص تشيب الراس يعني صارفي بعض حالات الطلاق يصير من اسباب تافهه وبسيطه وكأنه صار شي عادي انتشر بشكل مخيف الحمدلله على كل حال يابنات خاصة اللي عندها مشكله الاحظ ان المنتدى كثرت فيه الشكاوى الاجتماعيه بين الازواج او الاهل او الابناء مع والديهم والعكس وو يابنات بس عندي شي باوصله وانتم بكيفكم اللي عندها عندها مشكله بحياتها ايا كانت هالمشكله جربت قبل ماتكتب موضوعها تلجأ لله سبحانه وتصلي وتدعي ربها يفرج همها خاصة بالثلث الاخير جربت تبكي على سجادتها وترفع يدينها للحي القيوم ارحم الراحمين اللي خلقها وهو سبحانه ادرى منا ومن نفسها حتى باللي فيه الخير لها مافكرنا يمكن تكون هالمشكله بسبب البعدعن الله بسبب معصيه (وما أصابكم من مصيبة فبما كسبت أيديكم ويعفو عن كثير)
مثلا اذا كان فيه بيت فيه دش واغاني وقنوات خليعه اكيد بيكون مكان مناسب لكثرة الشياطين اعوذ بالله منهم اللي مهمتهم بالحياه بني ادم يشغلونهم عن الطاعه ويحببون لهم المعاصي ويأذون الناس ويوقعون بينهم خاصة الزوجين وغير كذا نلاحظ كثرة الحسد وش بيظرنا لو نقول ماشاء الله تبارك الله على الشي اذا عجبنا او شفنا ناس انعم الله عليهم او ازواج مرتاحين مع بعض هذا بعد من الشيطان وممكن يكون السبب ابتلاء من الله والمؤمن اذا حبه الله ابتلاه يختبر صبره و قوة ايمانه 00 الخلاصه اني قلت انصحكم وانصح نفسي قبلكم اننا نلجأ لله في امورنا ومشاكلنا ومايمنع اننا نستشير بعض لكن نركز على الدعاااااااااااااااء والاستغفااااار والبعد عن المعاصي قدر المستطاع ونحاسب انفسنا ونشوف وش اللي مقصرين فيه مع الله سبحانه ولاتجعلون الدنيا اكبر همكم شوفوا مغاسل الموتى واتعظوا هم السابقون ونحن اللاحقون الى متى مشغولين بالدنيا والمشاكل وناسين الاخره اللي هي دار المقر اذا تقربنا من الخالق بنرتاح بالدنيا والاخره باذن الله و الله يجمعنا وياكم بالفردوس اللهم امين ولاتنسون اذكار المساء والصباح والاذكار عامه باللبس والخروج من المنزل والنوم ووو حتى يحفظكم الله من الشيطان واللي عندهم اولاد او بنات نصيحه ربوهم تربيه اسلاميه ربوهم على مخافة الله لانه شي بيرجع لكم ان شاءالله بالخير وبيرجع لهم بالمستقبل بيكونون مسؤلين عن اسره الله يستر على بنات وابناء المسلمين وفيه ايه اذكركم فيها اللي هي (فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا ) ودوام الحال من المحال باذن الله واخيرا سامحوني لكن كان في خاطري هذا الكلام ومدري كيف اوصله لكم وصدقوني مهما بحثتوا عن حلول ماراح تلقون الحل الا باللجؤ لله ثم ابحثي عن الاسباب الاخرى :26::26:
إذا رأيت الصحراء تمتدُّ وتمتدُّ ، فاعلم أنَّ وراءها رياضاً
خضراءوارفةّ الظِّلالِ.
إذا رأيت الحِبْل يشتدُّ ويشتدُّ ، فاعلمْ أنه سوف يَنْقطُعِ .
مع الدمعةِ بسمةٌ ، ومع الخوفِ أمْنٌ ، ومع الفَزَعِ سكينةٌ .
الالماسة السمرا @alalmas_alsmra
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
جزاك الله خير بكل كلمه
موضوع هادف....