نصيحتي لاخي في المكالمه بعد الملكه

السلام عليكم ورحمة الله وبركاته
كيفكم يابنات حواء المهم واحد من إخواني توه عقد قرانه قبل إسبوع (ملكه)وكتبت ل

اولا. خل فترة المكالمه متباعده ويتخللها رسايل. 2تكلم بطبيعتك بدون تكلف ولا مثاليه عشان تقدر تفهم شخصيتك.3إبتعد عن اي شي ماله علاقه بحياتكم مثل عائلتها اعمامها اخوانها. 4وانت تكلمها اعطها الثقه وانك واثق في تربيتها وما اخترتاها إلا لانك مقتنع في اخلاقها وجمالهاودينها.5افتح لها مواضيع عن إهتماماتك وش تحب وش تكره وهيه بعد نفس الشي.6اذكر لها مواقف وكيف تتصرف لوحصلت لها. 7قل لها إنكم لازم تتعاونون على الطاعه وانك ماترضى ابد في حاجه لها علاقه بالدين حجاب غناء وهيه بعد ماترضى إنك تترك الصلاه وإلا تسمع غناء. 8تكلموا عن مستقبلكم وش الاشياء اللي ماتتنازل عنها ابد عشان تفهمك من الاول وهيه بعد ش اللي ما تتنازل عنه 9اخرج لجو المرح اذكر لها مواقفك الطريفه وهي بعد تكلم عن الاكل اللي تحبه والالوان اللي تحبها في اللبس وهيه كمان. تغزل فيها بأدب وفي جمالها يوم شفتها وإنك تحبها عشان ترتاح لك وتفضفض لك. علمها وش تحب من العطور. لمح لها إنها تكون كتومه وماتقول اساراركم لاحد. قل لها تفتح النت وتقرا عن طريقة معاملة وحقوق الزوج وانت بعد وبعدين تتناقشون في اللي قريتوه. أسألها وش الاماكن اللي راحتها واعجبتها وقل لها ***** الله نروحها مع بعض.إبتعد عن فرض رايك والسيطره والتحدي فهي شريكة حياه وليست خادمه اوعبده يعني كل شي في حياتكم بالتشاور فيما بينكم والإتفاق على الاصلح.تقبل وجهة نظرها في الامور وناقشها فيها. إحذر الشك فيها واحسن الظن ولاتفسر الامور على كيفك. واخير اختم كل مكالمه بالدعاء ونصيحه بسيطه او تذكير فإذا كانت المكالمه ليلا ذكرها بالوتر والقران وإذا كانت صباحا ذكرها بركعتي الضحى والاذكار.
ابغى رايكم بكل صراحه ارسلها له وإلا لا ولكم ودي وجزاكم الله خير مع العلم إنه سألني كيف اكلمها وش المواضيع اللي اكلمها فيها.