كلامك حلو والكلام سهل بس فيه رجال ماينفع معهم فحلو تبقى الوحده على طبيعتها مع زوجها

والله لو ماعندي شغل غيره،،،،عساه مارضى
اجل اقوم قبله واتروش وماادري ايش

حلوووو

من جد انا مجربه وزوجى يعشق ترابي الله يسخرنا لبعض ومايحرمنا من بعض

نبدأ بسم الله لكن الكلام اللي بقوله يحتاج صبر ولازم تنفذه زي ماهو وتمشي عليه مو تسويه مرة
وتقول خلاص طفشت وتطنش،،
وبإذن الله لو سويته راح تشوف زوجتك كيف تتغير وتتعلق فيك وتسوي
لك كل اللي تتمناه وهي تضحك ...


أول شي تحافظ على صلاتك في وقتها وتصلي الضحى والوتر
وتقرئ قرآن وتخلي التسبيح والاستغفار على لسانك دايما ..

ثاني شي لازم تفهم ان المراه ماينفع معها العناد والتهديد والقوة هذي انسها اذا تبغ مصلحة نفسك
لا تتعامل مع زوجتك الا بالطيب والأسلوب الحلو والمدح والتشجيع ، وأهلك لايدرون عن مشاكلك
مع زوجتك الا في حالة الأمور الكبيرة لاقدر الله اللي احتمال ان الواحد بعدها تنفصل عنه مثل اذا كان تاركه للصلاة تماما أو هاجره فراشك مثلاً، أو تضربك مثلاّ ماتحترمك ..... لكن في الأمور العادية ابدا لايدرون اهلك عن شي ،، خلك حكيم وسو الكلام اللي اقول لك عليه وإن شاء الله تشوف الخير ..

ثالث شي عندي لك طريقة مجربة تجيب راس الحرمه وتخليها منجنه عليك وما تبغى فراقك ..
في الصباح ،، قوم قبلها وخذ لك دش والبس
ملابس حلوة من اللي تجذب مو صروال وفنيله هههههههه عاد انت تعرف ايش تحب زوجتك ، وسو شعرك وشاربك عند الحلاق زين وبخ عطر هادي ويناسب جو الصباح وأفضل شي في الصباح روائح الزهور وفيه عطور حلوة في بودي شوب
وزهور الريف تقدر تاخذ منها ،، ولا تقول متى اسوي هذا كله .. دوام وماادري ايش ؟ ههههه
لا عود نفسك على السرعة وهذي الشغلة ما تاخذ منك دقايق ،، واذا صحى ولدك ولا بنتك خذه الغرفة الثانية
وعطه رضاعته ولا عطه لعبة صغيرة في يده تشغله ...
طيب الحين جهزت نفسك ، ، وبعدها صحت زوجتك بشويش وبكلمات حلوة مثل
حبيبتي ، روحي ، حياتي ، نور عيوني ، فديت قلبك ،،، واذا ماصحت على طول عطها
بوسة سريعة على خدها صدقني بتطير من مكانها،،،
وجهز الفطور واجلس افطرمعاها ودلعها وعطها كم لقمة من يدك ،،
وتكون مجهز ملابسها اللي بتطلع فيها من الليل ومبخرها وباخها من عطرها،
واذا طلعت ارجع نام ساعتين ووقت الساعة او الجوال عشان تصحا وماتروح عليك نومة ..
وبعد ماتصح حمم عيالك وفطرهم ورووح خلص شغل بيتك ..
واطبخ الغداء واذا خلصت طبخ بخر بيتك ، وغير ملابسك وعدل نفسك
وعطر ووو وخل عطرك في النهار هادي ورايق ،، ابعد عن الأنواع القوية ماتصلح في النهار ..
واذا جات زوجتك استقبلها بابتسامة ورحب فيها هلا حبيبتي ، هلا روحي واحضنها ...
وتكون مجهز السفرة تتغدون وبعدها تروح هي ترتاح ولا تنام وانت خلص شغل بيتك وولدك ..
وسو حلى سريع وقهوة للعصر ،، وتعلم اكلات جديدة من النت ، خلها تتعود على طبخك وتحبه ..
وفي الليل نفس النظام خل بيتك دايما مرتب وولدك لاتشيله كثير عشان مايطفشك رضعه وغير له
وخله على الأرض ...
وفي الليل البس لبس جذاب وحط عطر قوي ومثير وفيه عطور كثير من هذا النوع ابحث عنها في النت
ومنها عطر تريزور من لانكوم رووووعة وبخه صغيرة منه تكفيك ..

واذا بغت زوجتك تطلع لوحدها لا تقول ليش ماتخليني اطلع معاك وانا طفشان ... لا اصبر وبتشوف بعد فترة كيف هي من نفسها بتقول هيا اطلع معاي .. بالعكس قول روحي حبيبتي الله يوفقك
وراح اشتاق لك ، الله لا يحرمني منك ، باختصار خل لسانك ينقط عسل ترى اللسان الحلو يدوخ المراه..

وخلك جاهز دايما اذا طلبتك علاقة في اي وقت يعني من ناحية النظافة الشخصية ونظافة الفم والأسنان
وخل عندك علك بالنعناع وخله دايما في فمك يخلي نفسك حلو ...

اذا سويت هذي الأشياء بتلاحظ ان المراه بدت تتعلق فيك شوي شوي وبتقل خروجها للمولات والعزايم والمناسبات ،، ساعتها
زيد جرعات الدلع والاهتمام فيها ،، جننها وخذ عقلها ،، وانتبه من الزعل والنكد حتى لو سوت اي تصرف ما يعجبك
ماعليش ابلعها في الأول وتجاهل وصدقني النتيجة في الأخير لصالحك وبتصير ملك قلبها اللي ماترفض له طلب ..

استمر اسبوع على النظام هذا ولا تطلب منها شي خلال الفترة هذي الا طلبات البيت الضرورية ,,

وبعد مايمر اسبوع بتلاحظ المراه بدت تتعلق فيك ،، وقتها ابد طلباتك لكن بالتدريج اول شي قول
حبيبتي خلينا ناخذ لفة بالسيارة نغير جو .. وبعدها بيومين ثلاثة قول : حبيبتي خلينا نتعشى الليلة برا وووو

واذا رفضت مرة لا تزعل وتسوي مشكلة بالعكس اضغط على نفسك وقول خلاص مو مشكله نطلع مرة ثانية
لكن احرمها من شي كنت تسويه لها و خلك طبيعي لا تحس انك قاصد عشان ما تعاندك ، يعني مثلا اذا
عوتها انك تبوسها اذا جيت تصحيها احرمها من الحركة هذي ، ،، يعني باختصار خلها تفقد شي انت معودها عليه ، لكن انتبه شي واحد بس ،،
وكل مرة ترفض لك طلب احرمها من شي ، لكن الأشياء الأساسية لا تقرب منها يعني الأكل ، الملابس
النظيفة ، نظافة البيت ، نظافتك الشخصية ، العلاقة الخاصة ، هذي خليها توب في كل الأحوال ،،


رابع شي عط زوجتك مساحة تتنفس لا تخنقها وتلزق فيها طول ماهي في البيت لا هذا اكبر غلط ،،
اعطها احتياجاتها كلها ودلعها واهتم فيها واحضنها وووو وبعدين اتركها واشغل نفسك وبتشوف بعد شوي كيف تفتقدك وتدورك ..

خامس شي اذا اكتشفت ان زوجتك راعية علاقات ومكالمات وكذا ،،
في هذي الحالة اذا كان الموضوع ماتعدا الرسايل والمكالمات فإياك تواجهها (( مدري ليش احس الرجال بينجلط لو يقرا هاذ اههههه)) راح تخسرها للأبد بالعكس شوف انت ايش اللي ناقصك واسألها عن الأشياء اللي تحب انك تسويها لها وسوها اذا ماهي حرام ، يعني خلها تخجل من نفسها وتستحي انها تسوي الغلط عشان ماتطيح من عينك وتخسر الحب والاهتمام والدلع ،، والمراه اذا لقت عندك كل اللي تبغاه صدقني ماراح تدور برا ،، الا عدد قليل وهذولي اللي متأصل الحرام في نفوسهم الله لايبلانا ..
ودايما ذكرها بالله وارسل نصايح على جوالها عشان تصحى ضميرها وكل إنسان فيه بذرة خير لكن تحتاج اللي ينميها ،،،،


سو هذي الأشياء مع زوجتك واذا جابت نتيجة ابغاك تدعي لي ان ربي يحفظ عيالي ويصلحهم ويوفقهم في حياتهم ويرزقهم ،،


ليش مايكون تسذا .. ههههههههههه
احس الرجل اذا قراها بينجلط

مثل مااستغربتي يااخيتي انا بعد استغربت لما قريت موضوعك
ترا الاهتمام الزايد ماله داعي ابد ابد
عز الله بيشيب راسي وانا توني شباب ..