السلام عليكم ورحمة الله وبركاته,,,,
كيفكم صباياااا :26:
العقوزه رومنسيه جايبه لكم موضوع فرفوش ويارب تستفيدو منه :wink2:
بس مايكمل موضوعي الا بمشاركتكم ومشاركه اخواتي المودامات العقوزات اللي زيي,,,, الخبره يعني :35:
السالفه ومافيها تجارب نسدحها هنا يستفيد منها الكتكوتات البنوتات الحلوين
بس ياريت كل وحده عندها نصيحه عن تجربه تضيفها لموضوعي اللي هو عباره عن تجاربنا عبر السنوات
واللي جانا يوم وقلنا ياااااه ياريت لما كنت بنوته سويت كيت او ماوسويت
امممم مثلا يعني انا لما كنت بنوته كانو رجولي اعزكم الله ماقدر امشي ع الموكيت من كثر ماهم رقيقين وناعمين
اشوف خواتي الكبار يدعكون بالحجر وانقهر ابي اقلدهم :29:امي الله يرحمها ويسكنها فسيح جناته هي ومن قال آآآآآآمين :26:
تقولي ياااويلك يلمس رجولك وياااااريتني سمعت النصيحه ,,عوووبا واللي ابيه لازم اسويه :cool:
لما كبرت وكبرت وكبرت عرفت وفهمت واقتنعت ان الحجر يخرب الرجول ويطلع فيها تشققات وبعدين
خلاص ماتقدري تستغني عنه مدى الحياه
البديل ,,, دايما ديما استخدمي مرطب للقدمين
ممنوع منعا باتا المشي حافيه القدمين ,, بس على الرمل مفيد ترا
لاتخلي المويه ابدا ابدا تنشف على رجولك بمعنى لما تتوضي مثلا على طول
نشفيهم بالفوطه الخاصه ,,, لان المويه اذ1 نشفت على البشره تسبب جفاف تجربه سخصيه
ولما تكبري وتكبري وتكككبري وتشقق بفعل الزمن ذاك الوقت لك الاختيار
,,,,,,,,,,,,,,,,,,
نصيحتي الثانيه والموووهممه 2
الاكتحال بالاثمد دايما وابدا وليش اقولك الحين مو بعدين لما تكبري
لاني بصراحه ندمانه اشد الندم اني ماستخدمته عارفين ليش
الاحاديث عن الاكتحال معروفه خصوصا بالاثمد الذي كان يكتحل به رسول الله صلى الله عليه وسلم
بابي هو وامي ,,, }وما ينطق عن الهوى*إن هو إلا وحى يوحى {
الاكتحال بالاثمد سنه عن الرسول صلى الله عليه وسلم
واثبت العلم الحديث فايدته,,,
ان الاثمد ينشط بصيلات رموش العين فيزداد طولها ومعروف ان الرموش تحافظ
على العين بحمايتها من اشعه الشمس والغبار مما يحافظ على قوه الابصار
و سمعت من الدكتور عبد الباسط كلام جميل ولكن للاسف مالقيت المقطع
وانا مو حافظه الكلام بحذافيره بس ان شاء الله اني حفضت المفيد ,, يقول انه بعد
مايتعدى الشخص سن الاربعين سنه يتغير شكل استداره العين اقصد الجفن مما يؤثر سلبا
على قوه البصر والاستمرار على الاثمد منذ عمر الشباب يحافظ على شكل واستطاله
جفن العين مما يؤجل ضعف البصر الى مابعد هذ1 العمر باذن الله ,,, يلا كل وحده
تنط بكرا وتشتري لها علبه وتكتحل انا بديت استخدمه مؤخرا احطه بالليل
اصحي الصبح مو باين ,,, حتى بالدوام يسالني يقلن عيونك فيها ضي حلو
بس مادري عن الاصلي انا دورت لما تعبت خفت اطيح بالمغشوش
اخر شي اخذت من حامل المسك مصنوع في جده مرقد بما زمزم ومايل للاحمر الحجري
ولونه بالعين خياااال تاكدو بنات واسالو زين قبل ماتشتروه ,,,عشان مانردد المثل القائل .. ابكحلها عميتها
,,,,,,,,,,,,,
نصيحتي ننمبر ثري ,,,, ياواد ياتئييييل :15:
الموهم لما تكبري حبيبتي وتصيري احلى عروسه بالدنيا وبعدين يرزقك ربي
باول نونو اياك واياك من اهمال بشرتك اقصد منطقه البطن والصدر لانها معرضه مع الحمل وزياده حجم البطن وتمدد الجلد وايضا الصدر ممكن يزيد حجمه شو راح يصير ممكن تشقق البشره وتبقى عندك خطوط عميقه تبقى طول العمر وماتروح واصلا مهما قالو ترا مالها علاج ,,, في تدخلات طبيه علاجيه تخففها شوي بس ماتروح للابد
اهم من العلاج الوقايه ,,,,كيييف من اول ماتاخذي نتيجه التحليل وتطلعي حامل :icon28:استخدمي كريم او زيت
للبطن واذ1 امكن للصدر كللللل يوم اوعك تكسلي مع الوحام زي ماسويت
انا بالوحام اكررره كل شي واقول بلا جمال بلا هم مع انها خفيفه عندي مره ولله الحمد
انا ما انصح بالكريمات الخاصه للسترتش مارك
مافي احلا من الطبيعي اما زيت زيتون اوزبده الكاكاو احسهم امنيين
تستمري بالدهن حتى الولاده ,,
اتمنى لكم حياه حلوه وسعيده بذكر الله والتوكل عليه
ياريت أي وحده عندها تجربه تنفع البنوتات وتفيدهم تضيفها للموضوع واكون لها شاكره
اتركم برعايه الرحمن
