نوفه1429 @nofh1429

عضوة فعالة

"نصيحــــــــــــه:أحذري كلام الحريم"

السلام عليكم

حابه انصح كل وحده بكريه خصوصا
وللحوامل عمموما

أقرا كثير هنا حوامل دكتوراتهم يوصفون لهم علاجات
ويجون يسألون هنا ناخذها ولالا ويرمون كلام الطبيبه ورا ظهورهم

أنا اعترف ان فيه طبيبات ماعندكم احد بس مو لهذي الدرجه

يعني زي:
اللي دكتورتها تقول وقفي كالسيوم أو حديد أو فوليك أو مثبت وتجي هنا تقول شرايكم اوقف؟
وتلقى 60 رد
- نصهم يقولون وقفي انا وقفت
- والنص الثاني يقولون كملي انا كملت.......... وحفلـــــــــــــه:icon28:
طيب انتي ممكن ماعندك نقص كالسيوم او حديد وغيرك مريضات ليش ماتسمعين كلام طبيبتك

ووحده تقول نزل علي دم بالشهر الثاني وبكريه وش اسوي ؟؟؟؟؟؟؟؟؟
-وحده تقول روحي لدكتوره
-وحده تقول انا قد نزل علي ونمت يومين وقف بس عادي لاتروحين دكتوره تبهذلك...

مع ان هذا اسمه اجهاض منذر ويحتاج مثبتات... وطواريء ومو شرط وحده عدت معاها انتي مثلها

انا انصحكم لاني اختكم قد انقرصت من كلام الحريم وخسرت جنين
وفوق هذا بغت تخسر الثاني.........

عشان استشير الحريم في علاجاتي ............ لاتقولون انتي غلطانه
لان ثلاث ارباعكم يجي يسأل ويسمع كلام الحريم في المنتدى او برا المنتدى

وبرضو ينطبق على حبوب منع الحمل
مو شرط اللي قد خذتها وناسبتها تناسبك انتي

مايمنع الأستشاره وتبادل المنافع والخبرات:)
بس ترا مو كلنا نفس الاجسام ولا كلنا مثل بعض
يعني اسمعي كلام دكتورتك اول واذا منتي واثقه غيريها

اللهم بلغت اللهم فاشهد

اللهم صلي وسلم على نبيك محمد..........:26:

يلزم عليك تسجيل الدخول أولًا لكتابة تعليق.

تسجيل دخول

دلوعه عبودي 2010 • 15 سنة

الله يجزاك خيرر يااارب

أناوالصمـــت • 15 سنة

والله انك صاادقة هذا يرجع لنتيجة التحاليل وهذا يختلف من وحدة للثانية

لاا بعضهن يقولن صرفت لي الدكتورة الحبوب الفلانية اخاف انها تضرني ماباخذهاا طيب الدكتورة ماتعرف انك حامل

ماراح تصرف لك اللي يضرك وهي تدري انك حامل

-أنامل ناعمه- • 15 سنة

صدقتي يالغاليه بكل حرف كتبتيه

سحر الاونوثه • 15 سنة

والله أنك صادقه الله يعطيك العافيه

نصفةالاخر • 15 سنة

نوفه مواضيعك حلوة خاصه انها اخر الليل
كلام سللللللللييييييم
اسمعي كلام الدكتورة
ولاتشتتين نفسك بالاستماع لاكثر من راي
والله يعطيكم العافيه وما تحتاجون مشورات
وتولدون بالسلامه