كيفكم يا حلوات ؟
أتمنى تكونون بأتم صحه و عافيه .. و الله يبعد عنا و عنكم الهموم و يفرج على كل مهمومه و يسخر لكم أزواجكم و يوفق ما بينكم و ان شاء الله كل وحده زوجها مايشوف غيرها و تكون ورده بعيونه يارب
:
حبايبي .. أمس قبل لا أنام كنت كالعاده أقرا البرودكاستات اللي وصلتني بالبلاك بيري لأن بحكم إني متزوجه و زوجي يتضايق من كثرة مسك الجوال صرت ما أفضى له إلا قبل النوم أشوف كل شي و أقفل و أنام ..
المهم .. واحد من البرودكاستات اللي جتني يقول في ما معناه إن الإنسان طول يومه يشوف الأشياء الحلوه و الأشياء اللي ماتعجبه .. و المخ يخزن كل هذي الأشياء و وقت النوم يبدا يسترجعها و أغلب الأوقات مايذكر إلا الأشياء اللي تضايق منها أو ماعجبته .. لكن ! عندما ينطق بكلمة ( استغفر الله ) يضغط اللسان على عضله تعمل على إرسال إشارات للمخ تقوم بتهدئة الأعصاب و تحويل حالات الغضب إلى هدوء شيئاً فشيء .. سبحان الله !
:
و والله يا بنات .. إني أمس كنت متضايقه من زوجي مررره و مسكت نفسي لين بغيت أنفجر و نمت و بعد صلاة الفجر مره ثانيه تضايقت منه و مسكت نفسي و تذكرت البرودكاست .. و جلست أستغفر مو بقلبي بس .. لا جلست أحرك فمي فيها عشان يضغط لساني على العضله .. وربي يابنات إني شوي شوي بديت أهدا و مستغربه من نفسي كيف ماسكه أعصابي ولا رديت عليه مثل عادتي الله يغفر لي و لكم .. لين حسيت إني روقت و بعدها صرت عادي أتكلم معاه ولا كأن شي صار ! حتى هو مستغرب مني شلون نزل علي العقل فجأه
:
الخلاصه :
يا بنات .. والله ما بنستفيد شي من العصبيه و النرفزه إلا تجميع الأمراض و التجاعيد المبكره
الله يعافينا و يعافيكم يارب .. عشان كذا صدقوني إذا وحده فينا بدت تتنرفز أو تنرفزت و خلصت تجلس تستغفر و بتحس براحه غريييبه و حلوه بنفس الوقت سبحان اللهيعني غير الأجر اللي بتاخذينه .. بتاخذين راحة البال بإذن الله ..و الله يبعد عنا و عنكم الهم و الكدر و النرفزه و كل شي مو حلو يارب .. و سامحوني لو طولت عليكم بس مثل ما استفدت حبيت إنكم تستفيدون معي ..
و آخر شي .. لا تنسوني من دعواتكم عاد يالغاليات .. و في أمان الله
