السلام عليكم ورحمة الله وبركاته
كل عام وأنتوا بخير أحلى حوائيات والله أشتقت لكم كثير وجايبه لكم السوالف بس ناقصنا شاي وقهوه وشويه حلو ومعجنات:22:عموما حابه أقولكم سالفه صارت قدامي في العيد في الراشد مول كنت أنا مع ولد أخوي في الراشد رايحين نتعشى وأنا كنت عازمته مسكين توه طالب ويدرس في الكليه وحبيت أقعد معاه شوي وأعطيه شويه نصايح:angry2:تخبروني عمه قشره المهم طلبنا fast food ورحنا قسم العوايل ناكل أول ما جلسنا لاحظت طفل رضيع في عربيه عمره تقريبا 3 شهور في طاوله قريبه مننا والطفل يبكي ميت من البكا ودموع ياقلبي عليه المصيبه لقيت وحده جالسه على كرسي وبينها وبين الطفل كرسي يعني شوي بعيده عنه واضح إنها أمه والله يا بنات الجبال تهتز وهي ما اهتزت ولا حتي التفتت له ولا حاولت تسكته وقعد الطفل يصيح ويصيح ودموووع بغيت أقوم أكلمها بس ولد أخوي قضبني وقال عمه تكفين إتركيها وأنا :16:والله العظيم قلبي تقطع على هالمسكين شكله يبي حليب وجوعان وهي ما همها بعد 15 دقيقه جاء زوجها ومعاه بنت عمرها 4 سنوات وياه صينيه كبيره فيها أكل وأول ما حط الأكل على الطاوله قامت المفجوعه اللي معاه رفعت الغطا وحطت الصينيه قدامها وقعدت تاكل يامال الغلاث وأنا وولد أخوي :oوالرجال أخذ شويه من الأكل ياكل باليمين ويهز
عربانه الولد بالشمال :eek:البنت جلست جنب أبوها وتاكل والولد يصيح والأب محتاس فيه تصدقون ولد أخوي عمره 19 سنه تدرون شنو قال قال: حسبي الله عليها شكلها مو أم الولد شكلها زوجه أبوه أنا قلت له مستحيل شكله صغير الولد وتوه مولود يمكن أمه بس مهمله قام قالي: لا يا عمتي أكيد أمه بينها وبين أبوه خلافات وراحت عطته العيال بصراحه جلست أطالع المره فعلا لاحظتها مو مهتمه أبد ابد مستحيل تكون فيها ذره أمومه والولد جلس ساعه يصيح وهي تاكل وماده البوز شبر ( بوز زوجه الأب تعرفونه إذا رجال خذه عياله معاه) ختام كلامي نصيحه للأمهات والزوجات الأوليات لاتفرطون بعيالكم لأني ملاحظه كل ما تزوج رجال على مرته رمت عيالها عليه تحسب إنه بيطفش ويرجع لها حتى لو زوجها طلقها لاتعطيه العيال تربيهم لين يعتمدون على نفسهم بعدين ياخذهم أبوهم ترى في حريم ما يخافون الله وما فيهم ذره رحمه :(والدليل اللي صار قدامي أنا ما أجزم لكم أنها زوجه أب بس واضح إنها مو أمه .
رايكم حوائيات في الموضوع وجزاكم الله خير
يلزم عليك تسجيل الدخول أولًا لكتابة تعليق.
mnc9
•
لاحول ولا قوة الا بالله ....بس الموضوع هذا مايعمم على جميع زوجات الاب والله اعرف زوجة اب احن على عيال زوجها من امهم لدرجه اذا راحوا الاولادزيارة لامهم ...امهم تطفشهم لحد مايقولون نبى نروح
حسبنا الله ونعم الوكيل ,, حتى لو مو امه كان تحركت وسكته ,, بس الشرهه على هالابو كان قال تعالي سكتيه هذي تسوي كذا قدامه اجل لو راح برا البيت وتركه معها وش تسوي له ,, انا لو منك رحت لها وقلت تبيني اساعدك واسكته يمكن انت تعبانه ,, خليها تنحرج .
الصفحة الأخيرة