السلام عليكم
انا حبيت اطرح الموضوع للبنات الى امهاتهم على نياتهم وماينصحونهم
قبل الزواج بشئ او تكون الام خجوله وماتنصح بنتها
الموضوع بختصار كل وحد متزوجه تقول للعرايس نصيحه امها لها
عشان يستفيدون البنات الى ماعندهم احد ينصحهم والله يكتبه لنا في ميزان حسناتنا
..
انا امي وصتي في ام زوجي قالت لي عامليها كانك تعامليني وخافي الله فيها
لان هي تبي تزوج ولدها لبنت تعينها و تعاونها مو تفرق بينهم
و خواته بعد قالت خليهم يحبونك عشان اذا صار لك مشكله مع زوجك يوقفون معاك
وتكونين مرتحه معاه ولا تعاونينه على معصيه اهله لان الى مافيه خير لاهله مافيه خير لزوجته
2. وصتني بنظافه بيتي قالت لاتقولين محد يجيني او وزجي يرجع متاخر الناس مسلطين
ماتدين منو يزورك فجاه و النظافه من الايمان
خلك مرتبه عند زوجك لاتبالغين في الكشخه بس خلي ريحتك دائما نظافه
3. اي شئ يصير بينكم يضل بينكم زوجك يدلعك يهديك يسعدك لاتقولين لصديقاتك
ولا لبنات خالاتك ولا عماتك لان البعض مايذكرون الله دائما قولي الحمدالله
4.للاتمدحين لحريم عند زوجك لا تقولين فلانه ماقصرت معاي طيبه و حليله
انتي تقولين على النيه لكن الرجال يفكر بطريقه ثانيه
..
وبس هذي نصايح امي الله يحفظها لي ان شاءالله افدتكم و ننتظر افادته خواتنا
لا اله الا انت سبحانك اني كنت من الظالمين
وكل عروس مقبلة على الزواج تكون بامس الحاجة لتلك النصائح
ونصيحة الاكبر سنا ما لنا غنى عنها...
عسا الله يطول بعمر امك ويخليها لك