نصيحه بغير محلها

السلام عليكم
استغرب من اللي تطلب من البنات اذا شاكين او عندهم مرض روحي انهم يرقون نفسهم وبس يا بنات لاتشيلون ذنوب غيركم وتخربون عليهم ترا انا بتكلم عن حالتي كمثال بسيط سكت على عمري وكنت بس اقرا قران ورقيه لكن حالتي ماخفت لانها سحر والشيخ اعرف بعلاجات هالحاله مومعقوله ارقي نفسي وبس لازم حجامه باماكن معينه واوقات معينه ولازم ايات معينه اقراها مرتين باليوم وزيت حبة البركه مرقي رقيه شامله وبتشديد على ايات السحر غير عن اني يتني فتره اشتكي من قوة العسل المقري على معدتي وطلب مني الشيخ يتخفيفه بحليب والصافات والدخان يوميا مرتين عشان تضعف المس فاستغرب من اللي تقول للبنت لاتروحين لشيخ الشيوخ الله جعلهم اسباب ومن التوكل على الله انج تمشين باسباب الشفاء والشافي الله فلا تخربون على البنات وتخلونهم يتعبون اكثر او تزيد حالتهم

شوفي شيخ يعرف الله اذا عندج امكانيه ماديا لتحمل مصاريف التنقل والعلاجات واذا لا خلاص توكلي على الله وارقي نفسج بنفسج لكن اذا حالتج شديده انصحج انج تروحين لراقي افضل لانه فوق كل ذي علم عليم

الرسول عليه الصلاة والسلام لمن اسحروه عالج نفسه بالرقيه وكان جبريل عليه السلام يرقيه وهم بالعلاجات المباحه شرعيا مثل الحجامه

والرقيه الشامله واكرر الشامله مو سورة الفاتحه محدده لها عدد ترا كلام الله كله خير وخصوصا بالرقيه الشامله اقريها مرتين يوميا مع رقية الشيخ مره او مرتين اسبوعيا تحسن بالحاله اسرع وهم التحصينات والاذكار والصلاة بوقتها وخصوصا صلاة الفجر لانها تحصين قوي والوضوء والورد اليومي وسورة البقره لاتتركينها كلش تحصين قوي وجاهدي نفسج كثر ماتقدرين والله الشافي وماعلينا الا انه ناخذ بالاسباب والله يرفع عنا اجمعين اللهم امين