الله المستعان

ربي لاتوأخذني بمااا فعلت

ثقوا جميعا ان الي يختاره رب العالمين هو الخيرة المباركة حتى لو ظاهره مكروه

تقدرين تقولين لي وش يضمن ان حب الولد الأول لها بيستمر طول العمر ؟ أو حتى مارح يختفي ؟؟؟؟

اجاوبك و اقول لك للأسف الحب من هالنوع ما يستمر وعالاقل يتحول لنوع ثاني هادي و عادي جدا

وش صرنا فيه......فقر و غلدمه؟...

وهذاك يحبها على اي اساس وهو ما عاشرها ولا عرفها الخ الخ.....لحب السعودي المعروف؟؟.... بنت خالتي و حلوة وتمدحها امي عشان كذا احبها!!!!!!

صدقيني كل هذي خرابيط .....ومحد يضمن شي عشان كذا الحسبة لازم تكون منطقيه.....مادام اثنينهم ماعرفهم ولا اعرف دواخلهم و لا عاشرتهم اكيد بشوف المعطيات الملموسة: الراتب / البيت، الوظيفه ،،،مستوى التعليم،الشهاده الى اخره

ولا تلومون اي بنت تغلب العقل على هوى النفس في الزواج لان هذي الذكيه:)

يابنتي الحب من النوع ذا كلام فاضي وياما شفنا زواجات زي كذا الرجال يقعد يحب في وحده مايعرفها ويرسم لها صوره خياليه في مخه ويعيش في قصص رومانسيه خياليه مالها علاقه بالواقع وبعد الزواج ينصدم حتى لو كانت الزوجه مثاليه لأنه على قد مايتعشم الواحد قبل الزواج ويحلم بحب مافيه زيه على قد مايتحطم بعد الزواج ......لأن العلاقه بعد الزواج تكون مختلفه عن اللي يتخيله
ويظل معظم الزواجات إللي تستمر هي الزواجات العاديه إللي يكون فيها الحب بعد الزواج لأن الرجال ماتعشم بشي وغالبا بيكون راضي بالحب إللي راح تعطيه إياه زوجته
والزوجه في الحكايه إللي قلتيها مادمرها وبعدها عن زوجها إلا تفكيرها في الشخص إللي يحبها ومقارنتها بينه وبين زوجها والشيطان يوسوسلها..
وقبل ماتقول إن زوجها مايسال فيها ولا يهتم بعواطفها ليتها تتذكر إنها حتى لو أخذت إللي يحبها <<ما راح يترك عمله وحياته وأصحابه ويقعد يحب فيها طول اليوم ...مصيره يلتهي مثله مثل اغلب الرجال بالحياه وبالعكس الرجال الرومانسي إللي يحب يعيش قصة حب ..غالبا بعد الزواج يخون ويحب على زوجته <<<من وجهة نظري ..رجال سعودي رومانسي = خاين من الدرجه الأولى (ممكن يكون كلامي غلط لكن هاذي وجهة نظري )

سبحان الله نصيب