نصيحه صغنونه للي تنخطب وخطيبها يبي يشوفها

السلام عليكم ورحمة الله وبركااته

يسعد لي صبااحكم يالحوائيااات

ماني عارفه شلون ابدا قريت كثيييرر في ذا المنتدى مواضيع لبنات يصير لها شوفه وبعدهاا يختفي الرجال واهله

امس بالصدفه اسولف انا وزوجي عن واحد من اخويااه الله يستر علينا وعليه ويقول ان يدور له قلت له معقوله هو من العايله الفلانيه ومازوجوه قال اسكتي الرجال ذا جالس يتنقى في بنات خلق الله ماخلا بيت ماشااف بنتهم صار له تقريباا ست بيوت شايفها...المهم قلت له وانتم ليه ماتنصحونه قال يقول ان اهلها وهي راضين بالشوفه انتم وش دخلكم ماحصل نصيب

المهم ماعلي منه وله الله بيحاسبه على نيته الشااهد من الموضوع اني انصح كل وحده يتقدم لهاا عريس تخلي الشوفه اخر شي ...

واذا اهله طلبوا الشوفه قولي لهم يوصفونك له بالتفصيل اول كانه يشوفك اذا والله حسيتوا انهم ناس شاارينكم فعلا ساعتها اطلعي للمحروس ..وانتي بعد خلي امك تطلب له صوره انك بتشوفينه بطريقه لبقه علشاان لو في بطنه حركاات مناا ولا منا يشك في نفسه ويدري انك غاليه عند اهلك ونفسك مو هو اللي يتشرط بس

اناا صرااحه عرفت السر اللي يخلي اكثر البنات ينحاشون منهم الخطااب صدقيني مهو العيب فيك ي الغاليه لا شكلك ولاشي ..العيب في بعض الرجال اللي حاطين بنات الناس فرجه لهم ويتنقون


ولو تلاحظون ان العنوسه زادت بعد انتشار الشوفه بشكل فظيع بتصدقوني



انا مااقولك لاتشوفينه هذي سنه

ارجع ااكد لو نفسك عزيزه عليك ومنتي حاابه تنجرحين لاتطلعين للواحد لين تحسون عندهم قبول لو خمسين بالميه واستخيري حبيبتي قبل الشوفه بعد علشاان لو فيه شر ربي يصرفه عنك قبل يشوفك

والمساله كلهاا توفيق من الله لكن حبيت انبه للبعض وليس الكل
والله يعطي كل واحد على قد نيته ويوفقكم جميعاا