نصيحه عن مكاتب الاستقدام ي بنات

السلام عليكم
كيفكم بنات
بقولكم سالفتي مع مكتب الاستقدام
لقيت مكتب استقدام ماشاء الله أسعاره كويسه لقيته عن طريق مسوقه للمكتب وكثير له إعلانات من مسوقات وفروعه كثير في جميع أنحاء المملكة
المهم قدمت اندونسيا على أساس ( تجي على كفاله المكتب وبعد ثلاث شهور ينقلونها على كفالتي ) وقدمت ووقعت للعقد
في البدايه قالو ثلاث شهور وبعدين صارو يقولو لا
احنا نحسب الاجازات في المملكة والإجازات في اندونيسيا ( اللي هي اخر الأسبوع ) قلت يلا ننتظر
ولما كنت ادق عليهم استفسر ي بنات الكول سنتر اللي يردون يهاوشون ونفوسهم خايسه ولما اروح المكتب برضه نفوسهم خايسه ( سبحان الله مو نفس لما رحت استقدم اسلوبهم ) طبعا انا غبيه ما بحثت ودورت عن هالمكان الا من بعد مادفعت لهم فلوس ( طريقه دفعهم نص مقدم ونص بعد التفييز) واثاري الناس متورطين معهم خفت صراحه من تعليقات الناس ماقد شفت احد يقول ان شغالته جت كلهم يذمونه قلت بنتظر يمكن تجي وخلصت المده وأيام الاوفات على قولتهم وأروح لهم قلت وين الشغاله ماجت قالت انتظري ( طبعا كل موظفات المكتب نساء والكول سنتر نساء بعد ) قلت لين متى ردت بنفس خايسه ( انتظري وبس ماقدر احدد لك ) قلت لها طيب ابي المدير قالت انا المديره ( طبعا كانت مو سعودية اجنبيه ) قلت لها متأكده انك انتي المديره قالت اَيه قلت اجل انا يلا انا طالعه لوزاره العمل عشان يشوفون حل معك انتي ي المديره مع اللي موظفك ( خافت) بعدين قالت لآلا مايحتاج الموضوع انتي قولي وش تبين قلت ابي فلوسي قالت خلاص خلال ٤٨ ساعه تكون عندك قلت طيب ومره المده
ورجعت ولقيتها هي نفسها قلت لها عدت ٤٨ ساعه ولا شفت شي قالت لحظه واتصلت مادري على مين وسكَّرت الا هي تقولي النظام معلق في البنك ومانقدر نحول لك فلوسك الحين وتهاوشت معها وقلت مو طالعه الا وفلوسي معي ورجعت تتصل عليهم قالو مانقدر معلق النظام قلت عطيني أكلمهم وأكلمها وتقولي والله النظام معلق وهذا اللي عندنا واتهاوش معها مره ثانيه قالت خلاص بنحول وشوي اللي الموظفه تقولي خلاص حولنا المبلغ قلت لا ماتحول ماجتني رساله وشيكت من التطبيق مافي شي ولطعوني وقت ورجعت تتصل وبعدين قالت لي معليش حولنا لشخص غلط الحين بنحول ولَك ولطعوني بعد ( وهذا كله وانا انتظر وصامله خخخخخخخ) ( هم شكلهم كأنو يبوني أمل واطلع ) ولما شفتهم طولو قدام المديره دقيت على وزاره العمل وعطيتهم اسم المكتب وقالو لي ( هذا مو معتمد عندنا دقي على وزاره التجاره اشتكي ) وقدام الموظفه دقيت على وزاره التجاره واخذو مني اسم المكتب واسم الشارع والحي وشوي الا في اقل من ربع ساعه حولو لي فلوسي
نصيحه ي بنات لا تتعاملون الا مع مكاتب معتمده