نصيحه كل عروس تعالي وتعلمي من اكبر غلطة ارتكبتها وحتى ماتطيحي بنفس موقفي

السلام عليكم
كيفكم عرايس
من تزوجت وماعاد ادخل هالقسم الي جمعني مع عرايس مثلي

المهم انا بكتب على خطا صار معي بجد ماتتصورو الى الان هالخطا مأثر علي كيف وقاهرني

المهم انا كان زواجي بفندق فكنت ادور على وحده تجي الفندق وتسوي لي انا واهلي المكياج والتسريحه ونزلت موضوع

طبعا اغلب المشاغل مايطلعون خاصة الي اعرف شغلهم
المهم جتني وحده بالخاص ومدحت وحده وطيرتها فوق سابع سماء واخذت رقمها كلمتها وقالت كم انتم وكنا4 المهم
قالت العروسه تسريحه ومكياج ب2500 وام العروسه مجانا هديه قلت اوكي ابي بروفا قالت مااسوي شوفي موقع بالفيس شغلي على الموديل بصراحه ماعجبني مااقتنعت بس لان طبعي مااحب الاوفر قالت اختي حلو توكلت على الله ودفعت العربون نص المبلغ مثل ماقالت المهم في يوم عرسي اتفقنا تجي 12 هي جت للفندق11 طبعا انا كنت طالعه من المشغل لاني ركبت اظافر المهم وكل شوي تدقدق لما وصلت قلت اتفقنا 12 قالت لا11 المهم بدات باختي على الساعه1وامي طبعا من اول مااتفقت معاه فهمتها انا عيوني جدا حساسه ومايناسبها الكحل السائل لازم كريمي او مائي قالت اوكي ولايهمك وارسلت لها صورة التسريحه والمكياج وقالت اعرف المهم سوت لامي واختي طبعا مكياج امي وتسريحتها فاشله أي وحده تقدر تسويه مو شغل احترافي اختي حليو نجي لي انا :09:
وش اقول وايش اخلي طلبت ميك اب فرنسي ناعم وخفيف لان وجهي مايناسبه الثقيل ابد والاخت تلط بالالوان ماعجبني وكانو اثنين من صديقاتي فيه قال حلو طبعا قبل هي بدت فيني بعد المغرب المهم جينيا للكحل الحرمه بتحط سائل اناقشها تقول عروسه مايصير يابنت الحلال اناقش جدار وسكت جاء العشاء وزوجها يدق يلا الحرمه قالت حاسبيني حاسبتها حق اختي وصديقتي قالت وامك قلت انت قلتي مجانا قالت لا انا قلت يا الشعر يالمكياج واقسم باللي خلقني تكذب بس قلت بذمتها هالكلام قبل ماتبداء فيني ويوم جاء زوجها زوجي بروح وشعري المهم وتقوم تشد شعري قطعته تقطيع الله لايوفقها وتبي تحط لي شعر مستعار قلت لا مابي شي حرام قالت كل العرايس يسون قلت انا مابي وزوجها كل شوي يدذ وصلت المصوره وصراحه المصوره ماقصرت قالت بنروح نصور القاعه وكذا ونرجع وراحو ورجعو والاخت تحوس بشعري وبالاخير ماضبطت التسريحه تقول زوجي معصب يقول قدامك 5دقايق لو مانزلتي دبري نفسك وتروح تحط لي شعر مستعار الله لايوفقها ولاتتهنى بريال اخذته مني اقولها مابي قالت بخليك كذا امي واختي تحت عشان المعازيم وراحت ثبتت الطرحه أي كلام ورحت للمصوره تقولها اضحكي عليها وامدحي شغلي طبعا المصوره كانت امينه وقالت لي المهم الاخت مستعجله مكياجي حاس بسبب الكحل السائل قالت خذي اعواد قطن وامسحي وقالت للمصوره قدامي انتي ضبطيه بالفوتوشوب ومشت

طبعا الطرحه انفكت لانها مو مثبته مثل الناس المكياج حايس طبعا كنت ببكي بس صديقتي والمصوره يحاولو يهدوني والي كمل الطينه بلا باقه الورد الي طلبتها وصلت بس مو مثل طلبي شوفو كيف الوضع ماساوي

طبعا المصوره سالت كم وقالت حرام عليها وطبعا بعد الزواج زوجي صرح لي انه ليش طلعت كذا وانه ماكان حلو :09:

وخاصة انه صارت مناسبه وسويت ميك اب وتسريحه مثل ماابي وقالي ليتك يوم عرسك سويتي كذا حلى ونعوم بدل كوم الشعر والبنس الي بشعرك طبعا بعد الزفه اجي افك التسريحه شعري كيلو بنس


ومن وقاحتها تقول انا لما احط شعر اطلب زياده بس عشانك ببلاش قلت انا مابي

طبعا حكيت قصتي عشان ماتجي وحده تمدح وتمشون على مدحها بعضهم يعلنون لانفسهم اذا رفضت تسوي برواف لاتتفقي معاها اعرفي شغلها خرابيط


بجد وانا احكي انقهر ليلة عمري خربت وقسم يوم عرسي كان جدا سي مو مثل ماتمنيت

ابي بس لااحد يمدح لك احد وخاصة هذي ليلة العمر مافيها مجال للتلاعب

طبعا الي سوتلي سعوديه ماراح اذكر اسمها لان بغيت من عقب عرسي انزل موضوع واشهر فيها بس قالو كذا تقطعين رزقها

بس تبت اصدق وحده بالنت