السلام عليكم ورحمه الله وبركاته
اخواتي في عالم حوا ...لي تجربه في حياتي حبيت انقلها عشان افيدكم والله
مشكلتي كانت مع زوجي كنت مااحترمه واصارخ عليه واسوي شخصيه زي ماكانوا بعض الحريم ينصحوني..وهوكان عصبي واذا عصب مرره يطلق...المهم استمر الوضع الين صارعلينا اربع طلقات ثنتين منها بشرط....وجااليوم اللي رحنا فيه للشيخ عشان يفتينا...الله لايجعلكم تمروون بهذا الموقف والله يابنات كان يوم قاااااااااسي عليه خلاص قلت اني باتطلق وباصير مطلقه وبنتي بتعيش بعيده عني مع عمه ...وابكي واتحسف على الجهاله اللي كنت فيها الدنيا كلها كانت فوق رااسي وجلست احاسب نفسي على اخطائي الجاهله ......وزوجي حتى كان خايف ويقول الله يصلحنا ماعرفنا نحل مشاكلنا....المهم يابنات ودخلنا للشيخ وكلام وسوال واجابه .....قال لي الله يصلحك يابنتي هذا زوجك جنتك اونارك ليه ماتحترميه وتطيعيه وتقولين ابشر واذا زعل ابعدي عنه حتى يهدا ....المهم انا كنت ادعي واقول الله ينصرني ان كنت لااستاهل الطلاق.....ويجعلها يارب ماتقع ويستر ....قال الشيخ لازم ولي امرها ابوها او اخوها يجي ......المهم كذا وكذا الين قال ثلاث منها لاتقععععع وماعليك الاطلقه.....بغيت اموووت من الفرحه كاني عشت من جديد وتوبت لله لاطيع زوجي...الله لايحرمني منه ...والله يابنات ازواجنا نعمه ليه مانحاااافظ عليهم وعلى رضاهم ......ليه مايكون بينا مووده ورحمه...احنا الحريم مسولين عن السعااده او التعااااسه....فرحت انا وزوجي وفتحنا صفحه جديده اذا صارخ عليه اسكت واصبر ...فيه مشاكل بس عرفت كيف اتعامل معها بعد مابغا الفاس يطيح بالراس...احمدالله واشكره عدد خلقه وزنه عرشه ورضا نفسه ومداد كلماته... انصحكم كونوا عاقلات ثقيلات رزينات اصبروا مهما كااااان هذولا رجالنا ..والله حبيت اقولكم التجربه عشان اللي مطفوقه تصحصح بدري.....دعواتكم ان الله يرزقني الذريه الصالحه ويثبتني اسال الله العظيم ان يصلحنا لرجالنا ويسخرهم لنا ياارب....
.
اخاف الله @akhaf_allh_1
عضوة فعالة
يلزم عليك تسجيل الدخول أولًا لكتابة تعليق.
خلوها بهمها
•
الله يهدي سركم
الصفحة الأخيرة