نصيحه لكل بكريه عن الرضاعه

السلام عليكم ورحمه الله وبركاته



حبايبي انا قريت موضوع الغلطات في النفاس وحبيت انصحكم نصيحه كثير غلطوها وانا كنت حاصير وحده منهم
وهيا الاستسلام من الارضاع الطبيعي
صح الموضوع متعب ومحبط اولا لسه ماعندك حلمات ثانيا خياطه والم وماتقدري تجلسي ثالثا تحسي مافي حليب والبيبي لسه جيعان
والاغلب يلجا للحل الابسط وهوا الصناعي ويحرم نفسه وابنه او بنته من هذي التجربه ومن الفوايد العظيمه في الحليب الطبيعي
انا كنت ابعده عني واقول لماما خلاص سويله رضاعه مابيشبع بس يبكي ومو عارفه ادخل الحلمه في فمه يجلس يمص ويمص ويطلع الحلمه مو فمه اصلا
وماما كانت رافضه الصناعي وتقولي لا حاولي حتى لو مابيشبع ومافي حليب يكفي الحنان اللي بياخده منك
وكنت اعصر صدري ومالاقي حليب الا نقط ومره كنت محبطه احس اني ماابغى اصلا ارضعه لاني ماباشبعه جاني احباط وخجل حاسه اني باسوي شي غلط في حقه واني مقصره واني مو ام كويسه زي بقيه الامهات وماابغى احاول اصلا اعذبه واعطيه صدر فاضي
واستمريت احاول الين الحمدلله مامشي الحال
مع اني كنت مره نفسي مصدوده استحي من نفسي اني مااقدر ارضع واني لو رضعته مافي شي
والكل كان يقول لماما خلاص هيا مابتشبعه اعطيه الرضاعه تقول لا خليه يرضع منها ياخد نصيبه حتى لو نقط تفيده
وزوجي مره كان رافض الصناعي كمان وكنت احاول اكل اشياء تدر بس مره مرتين ماداومت
المهم يابنات لاتيئسوا وتستلموا بدري ترى بعدين حتندموا اشد الندم
لانها افيد شي للطفل ولكي انتي كمان