هذي معاناتي وتجربتي حطيتها للفايدة والله ابيكم تعتمدون على انفسكم بنفاسكم علشان مايصير لكم اللي صار لي لاني كنت مبسوطه قلت انا دلوعتهم واصغر وحدة وراح يقومون فيني وقت ولادتي مناسب للكل بالإجازة الصيفية وتفااااااااجأت بالعكس تماما أختي الي اكبر مني ما شافو منها خير ابدا ولا تفع اجد ابدا ابدا وتكرهه الاطفال ولا يمكن تسقي طفل مويه ابدا ابدا ولدت قبلي والكل يساعدها وخاااصه انا رغم اني اتعب لانني حاااامل بالثامن وما راعيت نفسي واشتغل وظهري بالليل مقدر اقوم منه ولا انام منه
أكثر شي جرحني هروب كل الناس عني لما كنت بحاجتهم
رغم اني اصغر وحدة وخدمت الكل بالوحام والنفاس وسفرياتهم وكل كل كل شي امسك اولادهم واغسل واوكل وانوم وكان كل شي برضاي
ولما حملت وولدت ما لقيت احد يراعيني ويهتم فيني وخاص انه اول نفاس وتعبت بنتي بعد الولاده باسبوع وتنومت معها رغم الالم والخياط و و و حتى زيارة او اكل ما شفت لما طلعت واعتمدت على خبرتي لما ربيت اطفالهم وكنت كل شي اسويه واعرف بس لما جت بنتي حسيت كل شي طار من مخي كأنني ما أعرف شي بس كنت مضطرة اني اسوي كل شي بنفسي وحتى لما كنت احممها كنت ابكي اخاف يصير فيها شي وكان وقت ولادتي جدا مناسب بالاجازة الكبيرة بس الدنيا حظوظ والجرح الاكبر اختي ولدت قبلي بعلية بأربعين يوم بالضبط ونمت معها بالمستشفى لان كانت ولادتها بالاختبارات ومحد فاضي ونمت عندها رغم الالم والثقل وخدمتها وشلتها وشلت بنتها وشلت ضيوفها ولما ولدت كانت طالعه الاربعين ومي فاضيه لي ولنفاسي مبسوطه مع زوجها وناسيه اختها لما كانت بحاجتها وامي مراءة كبيييرة ماتقدر تسوي شي وكنت اقولها لاتشيلين همي انا قلبي يتقطع وظهري منفك من الولادة بس كنت مضطرة اقول لها كذا علشان ما تتضايق ويرتفع الضغط والسكر
آه آه آه محد يصفي لك ابدا ابدا
كرهتمه كلهم وخمس شهور وأكتئاب النفاس ملازمني وبعدين شديت نفسي وعالجت نفسي بنفسي وطنشت الجميع وكأن ماعندي احد كأني بالدنيا وحيدة
ولما حملت ببنتي الثانيه جبت شغاله مؤقته و أعتمدت على نفسي لان بنفاسي الاول كنت متوقعه الكل بيدلعني لاني اخر العنقود وخدمتهم كلهم لكن بعدين اعتمدت على نفسي وطلع احسن نفاس
طولت عليكم بس نصيحتي لكل وحدة تعتمد على نفسها ولا تتكل على احد لان محد راح ينفعك
خواتك ساعديهم بس مو على حساب نفسك وراحتك لا
زي ما تسوي لك سوي لها خواتي على بالهم اني متفضيه واحب الشغل لا والله بس احس غصب عني لانهم خواتي او حريم اخواني لاكن بعد بنتي محد له فضل علي واعامل الناس زي مايعاملوني
تصدقون أنصدمووووووو ويقولن وشفيك متغيرة و و و و
بس امانتاً خواتي اللي تصعب تصعب ضروفها أساعدها وانسى كل شي لحد الآن لكن اخذت درس ما أنساة بس بصراحه انا مبسوطه على اللي سويته وماني منقهره بس ليتهم قدروني وماتعبوني :(
بس بعدين يبون يساعدوني لانهم خافوا امرض مثل نفاسي ببنتي بس طرتهم كلهم قلت اللي يجي ضيف حياة الله واللي يبي يرحمني ويساعدني ماني بحاجتكم وانا أكذب كنت أتمنى النومه مي حاصله بس أكابر ههههههه
بس تدرون كل هالمعاناه والكل انشغل عني بس ربي ما نساني من رحمته سخر لي شغالة امي سبحان الله امها ولدت بنفس الوقت اللي ولدت فيه وكانت تخدمني وتتذكر امها والله كانت تنام عندي واذا صاحت بنتي فزت بس ما كنت اثق فيها اخاف على بنتي ما اخليها تسوي لها شي حتى الحليب انا اسويه والماء الفاير انا اسويه ابد ابد ما تسوي لي شي بس مجرد اهتمامها فيني احس سوت لي كل شي
طولت عليكم بس حبيت افضفض وتستفيدون وتعتمدون على انفسكم وشكرا
بس لو كنتو مكاني وش راح تسوون وعلى فكرة كل هالكلام ماخصصت احد ولا ذكرت تصرفات كل وحدة اللي تقهر ولا قلت انهم اذا جو زاروني حاسو البيت هم وبزارينهم وراحو وخلو الشغاله تنشغل عني انا وامي بالتنظيف و و و و و اشياء كثيرة بس خلاص طولت عليكم ارجوكم ما ابي ردود سيئه اللي ماتعجبها حكايتي تقفلها وخلاص واللي اعجبتها تكتب رأيها وجزاها الله الف خير
يلزم عليك تسجيل الدخول أولًا لكتابة تعليق.
ميار 6666
•
رفع
ام صلاح!
•
ياختى انا واخواتى كلنا نساعد بعض بالنفاس بس ابغا اقولك حاجه المساعدة الى سويتها لخواتك احتسب اجرها عند الله لان مساعده النفاس اجرها عظيم انتى سوى الى تقدرى عليه ولا تضغطى على نفسك
الصفحة الأخيرة