نصيحه لكل سليمه تفكر بالكلوميد

السلام عليكم ..

بقولكم تجربتي اللي صارلي الحين ٤ شهور وانا مقهوره بسبب تهور ..
انا سليمه وحملي يصير عادي بس ان عندي نزول بالرحم .. اعشق التوام لان اشوف بنات اخواني شلون .. فاتمنى هالشي ..
قلت خلني اكل كلوميد عشان اجيب توام وضامنه هالشي لاني سليمه !!!!! ...
سويت فحوصات وكل شي واول مابديت باكل الكلوميد قلت خلني اصلي استخاره ..
صليت اليوم الي بعدها جاتني ضيقه وخوف بس عاندت هالاحساس وقلت لا باكل وكلت كلوميد والدكتوره قالت كل شي ممتاز عندج وعطتني ابره تفجير ولكن سبحان الله في هاليوم صار خلاف بيني وبين رجلي ( بدون سبب وانا كبرت الموضوع من ولاشي وهو مافي هوشه اصلا !!! وكان الله خلق هالشي ) وقعدت اكابر وانا ميته ابي احمل مابي تعبي بالسونار والكلوميد والابره يروح ع الفاضي ..
بعدها كسرت هالمكابر وجاني زوجي ولكن قال في شي يسد وطلع السايل كله براا بدون مايدخل ولاشي داخل ( حد صارله كذا ) !!!
المهم بعدها جتني الدوره .. خلصت ماطولت اسبوع وجتني مره ثانيه .. خلصت وماكملت عشر ايام وجتني .. بس كان نززززيف يهد الحيل .. لخبطت حياتي كلها بسبب تهور

فنصيحتي لا تفكرين تاخذين كلوميد ومافيج شي لان ماتدرين شاللي ممكن يصير ..
ثانياا لحد يستهين بالاستخاره ويعاند احساسه لان ممكن تكون رساله .. يمكن لو حملت ماتم حملي لان معاي نزول .. يمكن لو حملت بولد بدري ويصير للاطفال شي !!!!

ثالثا لا تكابرين لو زعلتي ترا بيضيع عليج كل شي 😫😫😫😫😫😫😫

رابعااا عسى ربي يفرحني ويفرح كل وحده تتمنى الحمل بالحمل السليم المعافى .. يارب احمل بتوام 🤭😩 ..<< ماتتوب ههههههههه