نصيحه لكل عروس.. أرجوا مشاركة الجميع ولو بكلمة..

السلام عليكم خواتي :)

بما أني وكثير وغيري من بنات حواء مقبلات على الزواج ان شاء الله.. واللي اذكر منهم الخوات
((رنا.. أم محمد (الخطيب).. ورده ذبلانه.. ابتسامة أمل.. القصمنجيه))..

خطرت ببالي هالفكره..

ودي لو نكتب موضوع تكون مشاركة من كل الأعضاء.. وتكون مرجع لكل عروس اقترب موعد زفافها.. كل وحده تعطينا نصيحه.. خلاصة تجربه.. موقف معبر.. حتى لو كلمه.. تجهزنا بها لهالحياة الجديده والغامضه علينا..

بقى شهر تقريباً على عرسي.. وأنا مالجه فأكلم زوجي في التلفون.. ومرات نلتقي.. بشو تنصحون كل وحده بقى على زواجها شهر .. من ناحية اللقاءات والمكالمات..

أتمنى ما تبخلون علينا بأي نصيحه.. سواء تتعلق بالتصرف مع الزوج.. أو معاملة والدته.. او أخواته او حريم اخوانه.. او كيف نترك ذكرى وطابع حلو في قلوب اهلنا في البيت قبل الوداع:(

لو وحده من خواتكم بقى على زواجها شهر وطلبت نصيحه.. بشو تنصحونها.. سواء نصيحه نفسيه او دينيه او اجتماعيه او صحيه.... إلخ

وان شالله ما يخلى ولا رد من نصيحه.. وأتمنى لو تكون مكتوبه بطريقه ولون واضح.. عشان كل وحده حابه تقرا النصايح.. ما تضيع بين الردود..

وأنا ببدا :)

النصيحه للتعامل مع الزوج

دايماً حطي ابالج ان هالزوج واسطتي للجنه.. فأنا يقع على عاتقي مسؤولية التجديد وقتل الروتين.. حتى لو كان زوجي المخطئ.. أنا أرضيه عشان عندي هدف أسمى وهو رضا ربي والجنه..

((يزاها الله كل خير الاستاذه القديره اللي عطتني هالنصيحه ))

أتمنى تكون عجبتكم الفكره.. وبانتظار كاتبات الموضوع :)