السلام عليكم ورحمة الله وبركاته ..
كيفكم جميعااا ...
نصيحه لوجه الله للأمهات : بناتكم لا تقدم لهم عريس اسالوهم اكثر من مره يمكن المره الاولى تردهـ حياء والثانيه تردد والثالثه خوف .. اسالوهم كثييييييييير وكل ماردو خلوهم يستخيرو ويفكرو اكثررررررر تكفوووون ...
وانتو يا البناات : نصيحه لو تقدم لكم احد لاتردون فورااا ... فكرو كثيييييييير واستخيرو حتى لو مو عاجبك ..
فكري واستخيري وحطي ايجابياته بصف وسلبياته بصف وقارني وستخيري كثييييييييييير ...
لا تندمون ..
بقولكم وش صاار معااي ..
كنت اتمننننننننى يجي يوم ويجون اهلي ويقولو فلانه تقدم لك عريس سنين وانا ادعي ربي واتمنى يجي هاليوم وتقدم لي واحد وقالت لي امي بس مااخذت الموضوع جد لانها الله يسسامحها اي شي تدخل فيه سالفة العريس . زي مثلا تقومني من النوم ولا عييت قالت قومي جاك عرريس . كلي يجيك عريس , ولو احد بيجي وسالتها مين قالت عريس
كل شي عريس عريس وهي ماتدري ان كلامها هذااا يجرحني . المهم قالت لي وانا سكت ومشيت . جا الوالد وقالي وانا باول الصاله وهو باخرهاااااااا وقالي تقدم لك واحد وتراه ساكن برا مدينتنا وعلى طوووووووووول من غير تفكير ومن غير سبب قلت مابيه قال تراني جاد قلت حتى انا جاده . ليييييييييييييييييييييييه رفضت ما ادري , هل خوف .؟ او حيا ..؟ أو شي جديد وماعرفت اتصرررررف مااااااااادري والله مااااااادري ..
ومحد قالي تراه كذا واهله كذا ويشتغل كذاااا ماعلموني شي ... جا الليل عرفت كم معلومه عنه واستخرت
اليوم الثاني وانا راجعه من الدواام احس اني اطير وربي ماحس اني امشي من الفرحه ومبسوووطه وكلهم وشفيك وجهك منور قلت سلامتكم مافيني شي وكنت فرحانه ومقرره اواااافق
طبعا دوامي بعيد عن البيت مممممممممممممممممممره بس ماحسيت بالوقت من التفكير
رجعت البيت وانا فرحانه والدنيا مو سااايعتني خلاص بصير حرمه . وافكر والبس الفستان الابيض , بلبس الطرحه البيضا وانزف والبس دبله .. الله مافي بسعادتي احد واسجد شكر لله ..
واطالع بطني واقول اخيرا بيصير فيك نونو وتصير منفوووخ وارقب الايام متى تطلع ع الدنيا .. وولد اخوي النونو جمبي صرت اطالعه واقول الله يخليك لاهلك قريب ان شاء الله يصير عندي مثلك والله يابنات احس اني عايشه بدنيا ثااااااااااانيه
. . . وافتح مواضيع العرااايس قلت في بالي ياااااااااه واخيرن بصير منكم . جا الليل قلت لاهلي لاتردون ع الناس غيرت رأيي قالت ردينا وقلنا مالكم نصييب !!
مسرع رديتو الله يساااامحكم وسكت ...
كرهت نفسي وكرهت امي وكرهت ابوي من غير شعور وربي لاتلوموني
.. والله من كثر مابكيت ومن كثر ماني منهااره صرت ادعي على نفسي اقول انا السبب حسبي الله على نفسي واتحسب وابكي
بس محد قالي فككككري محد قال لا تستعجلين بس مره اخذو رايي ومن غير استخاره ولاتفكير ورجعو الرجال .
واللي حرق قلبي اكثر انه طلع فيه كل المواصفات اللي اتمناها من صغري حتى التفاصيل الدقيقه
.. وابكي بكككككككى من غير شعور زي المجنونه والله للحين واناااا في حاله مايعلم بها الا ربي
.. ماشاء الله والله 7 من اللي مقربين لي انخطبو الله يوفقهم ... وانا يوم جاني هذا ماتيسر
الحمدلله على كل حاال ...
نزلت موضوعي هذا عشان الامهاااات لاتستعجلون على بناتكم ولاتسوون غلطت اهلي .
وانتو يالبناااات لاتغلطو غلطتي ...
ولاتنسوني من دعواتكم ان ربي يعوضني إما برجعت العريس او الاول او باحسن منه عاجلا غير اجلا ..
ياارب مايقضى هالاسبوع الا وقد انخطبت بموت ياا بنات تخيلو وانا نايمه ابكي وانا اصلي ابكي وانا اكل ابكي .
لاتقولو الموضوع مااايستاهل , انا اول مره بحياتي يتقدم لي عريس وهذي امنيتي من سنين يجي اليوم اللي انخطب فيه
.. واسفه طولت عليكم ...
قال تعالي {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} }.
لا تكدرين على نفسك وخلى املك بربي كبير والله مايخيب عبيدة
والخيرة فيما اختارة الله