نصيحه للمقبلات و تجاربكم يا المتزوجات 🌷

يا هلا و مرحبا بالحلوات 




يابنات و ياحريم انا مريت بتجربه زواج فاشله إلا مخيسه و للحين أعاني منها لله يسرحني منه سراحآ جميلا و يشهد لله اني ماتمنئ تجربه لحد ابد ابد 




فلذالك قلت خلينا نعلم عن تجاربنا و نسدحها في ذا المنتدئ لعل و عسئ ننفع وحده من ذا المقبلات الله يوفقهن و يستر عليهن و منها نفيد بعض 




طبعا بالنسبه لي كنت البنت البكر و الكبيره و مافي احد يعلمني او يوجهني اكثر شيء ندمت عليه اني اخذت واحد معدد و شايب ياربيييه لو فيني ارجع الأيام ماخذته و لاقبلت في وجهه و خاصه اني بكر و توني بالعشرين اغتريت بعائلته و انه تاجر كل ذا ما فاداني عشان كذا ياخواتي لا تهمكم المضاهر و الكلام الي تسمعونه يعني مثلا انا تاجر بس بخيل و قسم بالله ريال واحد ماينزل بحسابي !! وش استفدت ؟ فلذالك انتبهي لو تسمعين وشو استخيري و حطي الكلام الناس ع جنب وشوفي راحتك ترئ محد بينفعك اذا توهقتي 




ثانيا : شروط الشروووووووووط (شروط زواج) ياقلبي انتي وياها شروط هاذي مهمه وحنا مانهتم فيها او نقولها بس مانكتبها بالعقد ! وش استفدنا اجل مثلا يقولون اول مايجيك المعرس يقولون نبي البنت تكمل دراستها و بيت مستقل و يوافق ثمن اذا جاء العقد مايكتبونه باللهي؟ في بعض الرجال كذا سمحين ، انتي هنا اقلبي أسد و طالبي بشروطك لا تغفلين عنها بتعرفين فايدتها بعد الزواج صدقيني 
في شرط ياليتني كتبته بعقدي و هذاني اقول الأختي ترئ ماراح تعرسين الين يسجل ذا شرط بعقدك وهي بعد عاجبها الشرط تبون تعرفون ايش هو؟ 
نفقه شهريه لزوجه لا تقل عن الفين ريال 
تضمنين حقك مو بكره تتشحذين احد و بأمكانك تغيري المبلغ علئ حسب ميزانيه زوجك المصون و لاحظي ((نفقه شهريه لزوجه لا تقل عن الفين ريال)) يعني اذا جاك عيال بكره مايحشرك بالألفين لا الأنك بالشرط كاتبه لزوجه ماتشمل العيال لو صار فيه اختلاف لاسمح لله 




شيء ثالث: اشرطي تكملين دراستك حتئ لو ماتحبينها و حايمه كبدك اشرطيها وش يضرك؟ انتي عارفه وش نهايتك مع ابوشباب؟ يمكن ماترتاحين يمكن يطفشك و تدورين حل تهربين من البيت و مشاكله يمكن بكره تحتاجين و تضطرين تكملين دراستك عشان تتوظفين حطي كل الأحتمالات 




و كمان في فتره الخطوبه او الملكه طولي فيها علئ قد ماتقدرين ترئ تكشفين حقايق عنه و تضهر شخصيته مو خبط و لزق و منها تشوفين هذا الرجل مناسب لك او لاء 




اخر شيء من الأشياء ندمت عليها :( فلوس المهر  انا مهري اكثره سددت ديون فيه و لله هذاني اتمنئ اني ماسددت و متوهقه لو ماصرفته كان حطيت لي محامي و خلعته و فتكيت منه :(  
المهر لا تتقضين فيه الا الأشياء المهمه و الأساسيه ولا تفرطين فيه لو حصل شيء و عفتيه من بيسدده لك؟ خاصه اذا صرتي يتيمه مثلي ولا أهلك من نوع كل واحد حده نفسه 




انتبهي انتبهي المهر خذي منه مبلغ بسيط تقضي فيه و ابزي الباقي السوق موب طاير و الملابس وش كثرها في المحلات اذا حسيتي نفسك بعد اربعه شهور او سنه انه كويس تدلعي بالمهر يمديك علئ خير 




و اي وحده عندها تجربه لا تحرمنا من مشاركتها دمتم بصحه و سلامه .