نصيحه للي تبي تستخدم زيت الخروع لرموشها

السلام عليكم ورحمة الله وبركاته
اخباركم بنات؟
جايه لكم بنصيحه مهمه جداً ♥️♥️
اللي هي اي وحدهه ناويه تستعمل زيت الخروع لرموشها، تبعد عنه، وتغير رايها، وتشيل الفكره من راسها.
طيب ليه؟
من تجربتي الشخصيه انا كنت بين كل فتره وفتره "طبعاً الفتره وفتره اقصد بها سنه سنتين وكذا☺️♥️" المهم كل م بغيت اطول رموشي استعمله وفعلاً تطول بس انها تصير تتساقط كأن اللي ابنيه قاعد ينهدم ع طول المهم وكل شوي اتركه وعادي الوضع.
لين جا قبل فتره تقريباً قبل اسبوعين وجربته وكنت مهتمه فيه احطه يومياً مرتين اعطاني شوي نتيجه لكن بعد اسبوع تقريباً من استعماله تخيلو ي بنات صارت عيني لين جيت اناظر تصير أحياناً عين واقفه بمكان والثانيه واقفه بمكان الثاني.
المهم مرررهه مرههه بغيت انجن وقعدت ادعي واصيح مرهه متخيلين الوضع؟
أبداً لاتستهينون بالشي اللي تحطونه لعيونكم رحمة ربي اني لحقت عليه بالبدايه وبديت اركز ع موضع السجود والحمدلله رجعت عيني طبيعيه، ثم يوم قريت طلع فعلا من الخروع يقولون انه مُلين وانهم يستعملونه في عمليات للبطن اظن ووو فكيف بالعيون اجل؟
المهم ي بنات ادري كل وحده تبي عيونها تصير احلى وممكن تتهاون وتقول في بنات كثير استعملوه وعادي م صار لهم شي، انا بعد كنت استعمله كذا مره من قبل ولا كان يجيني شي الحمدلله انا غيرت الشركه اظن ومدري اذا هو اصلي او لا بس هل كل وحده ضامنه ان اللي بتستعمله اصلي؟
ف نصيحه من اختكم المحبه، واسفه على الإطالة ❤️✨