نصيحه للي يستخدمو السناب نصيحه قبل فوات الاوان

السلام عليكم
موضوعي خاص للبنات والحريم اللي للاسف ادمنو السناب مثلي
نصيحه بقدمها نصيحه للكل انا عمري الحين 26 سنه

اول ماطلع السناب مافكرت احمله نهائي بس من اجبار صديقاتي حملته
من قبل سنتين بدت معاناتي وادماني ع السناب زمان قبل السناب نسافر ناكل نروح نجي ماحد يعرف عنا
انا واهلي شي ومرتاحين من كلام الناس
بديت اصور اذا طلعت لا مو بس اذا طلعت حتى وانا بوسط البيت اكلي فطوري عشاء اي شي اصوره
سهرتي طلعاتي وعزايم صديقاتي وعزايم اقاربي
اول شي شبت المقارنه بين اهل ابوي واهل امي صارو
اذا رفضنا عزيمه او راحت امي لحالها سوا لاهل ابوي او اهل امي
قالو وين بنتك ماجت امي تتعذر لاكن يقولون بالفم المليان هذا طالعه الاسبوع اللي راح مع خوالها او مثلا خوالي يقولون
هذاها طالعه مع اعمامها ومستانسه بالسناب وهبال وضحك ليش حنا ماتبينا !
هذا اول حاجه سبب زعل
ثاني حاجه
كنت للاسف هبله هبله
احنا نسافر بالعطل القصيره جوا هنا بس نسكن افخم الفنادق سوا بمكه او بالمدينه
وبالعطل الطويل صورت مرتين مره دبي ومره تركيا
وهنا بدت اسمع كلام قوي من اقاربي وحسد وغيره من سلايف امي
ان امي ماهي موظفه ولا لها راتب وزوجها جاي على كيفها يسفرها ويسكنها بفنادق غاليه
خفت اسبب لامي حسد وعين وانا السبب
صرت احاول اخفف الان ماصور يجون بنات اقاربي لي بالخاص اذا كنت مسافره
يقوولن وش دعوى شكلك صاكتنا بلوك ماتعودنا عليك ماتحطين!
ويزعلون خلاص تعودو يشووفن كل شي وحياتنا مكشوفه عودتهم على كذا مع ان بنات اقاربي كلهم وعماتي
مستحيل مستحيل يصورون سفراتهم وفنادقهم
انا اصور الفندق غرفه النوم البوفيه الفطور الاسواق القهوه كل يوم بكافي الاكل بارقى المطاعم
امي انصحتي وخاصمتني ماصور لاكن خلاص استغفر الله بكون معكم صريحه
احس ادمنت حركات الفشخره والدلع وان الكل حاسدنا وغيران بالذاات اذا لك اقارب او صديقات محرومات ويتمنون يسافرون
لو للرياض وبشقه يسكنون هذا كلامهم لي يشوفوني اني واو وان ربي رزقني بدلع وابو مايجلسنا بكل عطله
والله ان لي قريبه تقول اتمنى امنيه اطب جده لو اسكن بشقة عمال بس اروح لجده يومين
بتقولون ليه ماتروح
اهلها مايشجعون السفر نهائي نهائي
ماعندهم فلوس على حساب كلام امها السفر يبي فلوس

المشكله الحين ايش فيني
كرهت شي اسمه طلعات اللي قبل استانس مع صديقاتي
والله العظيم يابنات كرهت اكل المطاعم والكافيهات كرهته لدرجه اذا رحت المطعم تقلب كبدي
القهوه كنت اموت فيها بالطلعات صارت معدتي توجعني اذا اكلت
السفر رحت مرتين جوا هنا وعجزت اتحمل وربي اني ابكي ابي ارجع للبيت
قبل حتى امي تقول كنتي ماتنامين ولا خمس ساعات عشان تبدين تمترين الاسواق والمطاعم وش بك بترجعين
رحت جده وكنا ناوين نجلس اسبوع جننتهم ثلاث ايام ورجعنا وامي تقول اسمك ثاني مره تقولين مانروح ومانجي
اخذت غسال وفناجيل من ناس شاكه فيهم بقوه وشربتهم ولا فادني
صرت انسانه ثانيه مانبسط ابد مهها رحت مهها اهلي يقولون بنروح مول مطعم كوفي بنسافر ماحس بمتعه زي قبل
شي بداخلي خانقني ومضايقني حتى لو رحت لاحسن شي

والله اني ادعي على السناب واللي نصحوني احمله والله ان متاكده سبب الكائبه اللي انا فيها وضيقه صدري
بسبب السناب وكل اهلي عارفين الشي هذا