نصيحه لوجه الله بعد صدمتي بأهمالي

يابنات انا من كم اسبوع سألتكم عن معنى حجم قلب الجنين ومالقيت اجابه شافيه الا بالعكس اغلب اللي جاوبوني حسسوني بعدم اهميه الموضوع انا عارفه انهم كانو يبون يطمنوني وقعدت على اعصابي الين رحت لموعد الاشعه وفيه لقيت اجابه لكل تساؤلاتي وهي ان قلب الجنين متشوه ومكانه في الخلف قرب الطحال وقرر لي الدكتور اني اولد بالرياض لان المستشفى اللي اراجع به مافيه امكانيه لعمل جراحه لقلب الجنين بعد الولاده مباشره



اول شي ابيكم تدعون لي ولطفلي بالعافيه وان الله يرزقني بالطفل المعافى السليم لان الدعوه في ظهر الغيب ان شاء الله مستجابه

وثانيا نصيييييحه لكل وحده لما تتأخر عنها الدور حتى لو ماهي منتظمه انها ماتاخذ اي دواء نهائيا حتى لو مرضت حيل الين تتأكد انها مو حامل
لاني كنت استخدم مضادات حيويه بداية حملي من غير مادري اني حامل لان الدور مو منتظمه فما توقعت اني حامل واهملت التحليل وحتى وانا حامل عورتني اسناني واستخدمت مضادات لاني ماتحملت الالم وهذا اللي سبب التشوهات والله اعلم ادري طولت بس مابي حد يعيش اللي انا عايشته الحين انتظر الولاده وانا احس بضيقه وماعندي حماس حتى اجهز لولادتتي