كيف حالكم أخواتي وعزيزاتي..
يابنات أنا واعوذ بالله من كلمة انا مابقيت شراشف صلاه الا جربتها .. اللي ينفك وانا في تص الصلاه واللي شعري يطلع واللي السحاب او السسته تنفك وماعاد تصلح.. المهم مالكم بالطويله.. في يوم رحت اسواق شعبيه عندنا وحصلت لبس للصلاه كامل وعجبني مررررره لان راسه واكمامه استرتش وقطعه وحده يعني مافيه سحاب ولا خرابيط وراسه كامل مثل القبوعه ..
والله يابنات اني صرت ما استغني عنه وخفييييييييف حيل ومايزعجك في الصلاه ابد..
والحين رمضان جاء والتراويح يبي لنا شي خفيف وبارد ومايلعوزنا وهذا مررررره روعه اتعب والله وانا اقول رووووووعه .. الله يجزا اللي اخترعه كل خير..
نصيحه اخواتي وحبيباتي اشتروا منه وترتاحون في الصلاه وماعاد تكثر حركتكم من كثر ماتصلحون الطرحه ولا تدخلون شعركم من قدام او من وراء..
يشهد علي الله ماقلتلكم الا من حبي لكم وابي لكم الفايده ولالي لا ناقه ولا جمل .. لكن حب لاخيك المسلم ماتحب لنفسك..
وهذي صورته للي تبغى تعرف شكله وترى بعضها يجي قماشه روز لاتشرونه خذو اللي قماشه غسيل ولبس وماينكمش بتعرفونه اذا لمستوه..
لبنات الرياض انا اخذته من القريه الشعبيه ب 30 ريال.. ولقيته في الهرم بلازا ب 30 ريال بعد .. يعني رخييييييص مرررره..
ادعولي يابنات ان الله يصلح لي عيالي ويشفيني..