نصيحه من اخت تحبكم في الله الحلتيته ومصايبها انتبهو منها غلطة عمري كلها

سلام عليكم ورحمة الله وبركاته

أنا سجلت بس عشان أخبركم عن مصيبة سويتها بيدي لطفلتي البكر 😢
قرأت قبل قليل موضوع عن الحلتيته

قبل خمس سنوات حملت وكان أول حمل لي
وكنت جدا فرحانه فيه وكنت أعد الأيام والشهور ومتى يجي اليوم المنتظر إلى اشوف بنتي في حضني واضمها واشمها وابوسها ووووالخ 😢

عدت الشهور وكنت كل شهر جديد اروح مراجعتي واكشف سونار واطمن عليها

عملت رباعى وشفتها وبكيت من الفرح وأخذت لها صورة من جوالي عشان لما تكبر اوريها نفسها لما كانت في بطني 😢 وكانت نائمة وحاطة يدها على خدها وكأنها تحلم وتفكر متى راح أقابل ماما
وطمني دكتور السونار الرباعي عن وضعها وكل شي كان ولله الحمد سليم

قرب موعد لقانا في بنتي دخلت التاسع ومشيت فيه ودخلت العاشر وتعبت مرة ودي أولد عشان ارتاح وعشان أقابل عروستي وحبيبة قلبي ونور عيني كلها إلى اشوف بها
كنت أقراء عن أشياء تسرع الولادة من قرفه ويانسون ومشى وتمر.ووو إلى أن لفتني شي اسمة حلتيت ويالله بحثت كثير عنها وأنه الكل جربها
ويمدحونها وحدة تقول أنا تبخرت وإلى تقول أشم وإلى تقول بالفوطة احط ويالله ادق على زوجي وجيب لي حلتيت الليله لازم ا قابل عروستي
وجاب لي وريحتها شينه حيل لاتطاق وبس اخذتها وولعت فحم وتبخرت فيها ثلاث مرات
ولا نفع معاي واليوم الثاني حطيت بالفوطة قطعه منها ولبست الداخلي أكرمكم الله..

وبس لأطلق ولا شي

وبس رحت لأقرب مشفى عشان تكشف عالرحم كم فاتح .. إلا وطلع فاتح أربع ونص 😖
ودغري عالمستشفي عند الطوارئ ودخلوني
ولا بوه طلوق وعطوني طلق صناعي وولع فيني لين تعبت .. المهم بنتي خرجوها حبيبتي وفلذة كبدي
مالها صوت شفطو إلى بفمها وصاحت وفرحت .. وفرحتي لم تكتمل

للأسف صار لها ضمور إيش الأسباب الدكاترة موب عارفين شافو تقارير السونارحقت نراجعاتي و سنمار الرباعي وتقرير دكتور الأشعث أنه تمام مخها وكل شي .. وسألتني الدكتورة وش اخذتي انتي قلت لها أخذت كذا وشربت كذا وتبخرت بالحلتيت وحطيتها بالفوطة قالت لاحول ولا قوة إلا بالله العلي العظيم قالت رحمك كان فاتح وانتي مش عارفه ورأس الجنين كان نازل على تحت وفتح رحمك وانتي تبخرتي ودخان الزفت ده إلى بتقولي عليه خنقها. وكمان حطيتية بالفوطة. وقمت أبكي قلت لها ندري أنا تعبت من الثقل والناس تمدح بها المهم مثل الكف إلى جاء بوجهي وتعبت وبكيت تعب الانتظار والشوق والأحلام ةالامنيات راحت هباء منثورا

الآن عمرها خمس سنوات ومن جبتها وانا وعلاج طبيعي من مركز لمركز ومشرفي لمشفي وكل يوم تحاليل وطبعا عندها تأخر نمو .. واللهم صبرني

اللهم صبرني يارب العالمين اللهم لا اعتراض على حكمتك .. مقدر و مكتوب
إلى أبي اقوله لكم انتبهو من هالحلتيت القاتل المميت توبه توبه توبه عاد أدور عن شي يساعد على الولادة مصيري راح أولد دخلت العاشر ولا العشرين ان شاء الله . المشي وبس صار عندي وسواس من كل شي يسرع الولادة يمكن حتى المشي ماراح امشية ونفسي أحمل بس مترددة خلاص عفيت الخلفه والحمل أستغفر الله بس لازم منه وزوجي يبي طفل .. وربي يعينني ويصبرني

تكفون يا بنات إلى ببتتزوج وبعدها بتحمل انتبهو وأمهات إلى علا وشك ولادة تكفون انتبهو الأمهات إلى بيقررون يحملون كلكم انتبهو قسم ان هالحلتيت سم اصلا زوجي سأل الرجال إلى يبيع هالسم قال يمدحونها للولادة قال ماقد سمعت انها كوويسه للولادة الناس تشتريها عشان تبخر بيتها إذا كان بسم الله مسكون لأنها تطرد الشياطين وكذا وقال لكن بكيفك تبغى تشتري خذها واشتراها زوجي وليتني ما قلت له .. لكن نصيب الحمد لله

ولاحول ولا قوة إلا بالله اللهم أجرني في مصيبتي واخلف لي خيرا منها . أنا الحمد لله نفسيتي الآن أفضل بكثير من وقت الصدمة إلى صارت لي

طبعا عرف أنه عندها ضمور بعد شهور لأن بنتي ضعيفه كانت ولديه. رخاوةه شديدة ورقبتها غير ثابته بعدها عملو لها اشاعو رنين مغناطيسي وطلعت النتيجة الم صدمة لي 😢

لكن سبحان الله إلى جعل بيني وبينها رحمة وحب ماقدر الآن. اتركها اشتاق لها وتشتاق لي أحبها أكثر من كانت ببطني واهي متعلقه فيني خايفه تموت وتبعد عني ماعتقد راح أحب اخوانها وخواتها إذ ربي أكرمني كثر حبي لها اكيد بحبهم لكن اتوقع أهي راح تكون لها معزة محفورة في قلبي ...
استودعتكم الله ...