ياحظ. هالرجال قد مايغلطون  تتعتبرونهم ملائكه تحطو العله في الحرمه

يطبطب على الرجال ويداري اغلاطهم

كيف هي الخسرانه اذا راحت لاهلها وتركته بالعكس طلعت من الجو الوصخ اللي معيشها فيه ممكن يجيب لها امراض ويعديها
الا هي الربحانه واذا عالاولاد هو اللي دمر بيته بيده مو هي السبب

الرجال يغلط واذا زعلت المراه وتركت بيتها حطوها هي سبب خراب البيت والسبب الحقيقي هو زوجها الخائن

وموضوع انها تجلس تنصحه وتقوله ممكن يجيك ايدز وممكن تموت وانت على هالحال
ليه هو مايدري !! الا عارف وداري ومسؤل عن نفسه

موضوع مضحك !
لبس الثعلب يوما ثياب الواعظين
نصيحه من رجل عن رجل
وانتي يالزوجه اسكتي وماجاك منه اصبري
والله لوهالحرمه المرأه الخارقه ماتحس ماتكره ماتمرض ماتنجن
قريت اول سطرين وحسيت الكلام غيرواقعي
عموما بعض الرجال اذا خان وسامحته وسكتت قال ماعندها اهل تحتمي فيهم لان جميع الرجال الخونه عارفين انهم غلطانين وحجم الجريمه الي ارتكبهابحق زوجته وانهاشي عظيم لايمكن السكوت عنه
التصرف البديهي بمثل هالحاله انها تزعل وتشيل اغراضهاوتروح لاهلها
لكن اذا سكتت ظن انها ماعندها احدتحتمي فيه واهلها زي قلتهم
وتصرفه بهالحاله انه بيزيد في اهماله وخياناته ويفهم ان الزوجه ابوالهول ماتحس

يبون يقولون الامر هين وكل رجال يخون يبي اهتمام .. بس مايبون يقولونها بطريقة مباشرة
يدرون انها ماهي مقبولة .. فقالوها بشكل غير مباشر من خلال هالحكي ..

لو كل مرة بتغرق زوجها اهتمام ودلع لا خانها .. اجل كل الرجال بيتشجعون يخونون !!

الرجل الي ما تمنعه مبادئه من الخيانة .. ما راح تمنعه الف حرمة تطبق هالحكي الي مكتوب

الفكرة ومافيها انهم مايبون ردة فعل قوية .. يبون من خلال هالحكي يسهلون موضوع الخيانة
وقبوله في نفس الزوجة .. عشان بكرة يتجرا الرجال ويخون الخيانة
العظمى ( الزنا عافانا الله ) بكل سهولة وهو ضامن ان ردة الفعل ما راح تكون قوية

لا من الزوجة ولا من المجتمع .. قاعدين يسهلون شي الشرع اساسا عظمه


ويكذبون لا قالو لك لا تهدمين بيتك وتتركين الرجال
هالبيت اصلا لو كانت الحرمة هي الي خانت .. اول ما ماينهدم هو

خراط خبول ..