نصيحه من قلب بسبب ظاهره انتشرت في قسم الحياه الاسريه

بسم الله الرحمن الرحيم
اولا موضوعي هذا كتبته من محبه لكم
انا لي سنين في منتديات عالم حواء واعشق هالمنتدى واحب كل اخواتي فيه ويعلم الله اني ادعي لكل وحده من قلبي اذا احتاجت دعوه او كتبت مشكله حتى لو ماكتبت لها رد لكن ماانسى اي وحده من دعائي بالخير وتفريج الكرب
بس لاحظت شي مااعرف احتمال بعض الاخوات هداهن الله تكون غافله او تكون متحمسه فترد بدعاء
حتى احيانا ترد على عضوه ردت على صاحبة الموضوع وهي تدخل تدعي على هالعضوه طيب هيه ماوجهت لك الرد حتى تدعي عليها
لما تشتكي وحده من خيانة زوجها وترد عليها عضوه انه انت غلطانه او انت السبب تجي عضوه ثالثه مالها اي علاقه وتدعي يااااارب زوجك يخونك ويقهرك ويبهذلك عشان تحسي طيب انت ياللي دعيتي مافكرتي انه ممكن الدعوه ترجع عليك نسيتي انه فيه ملك يقول ولك بالمثل
وحده ثانيه تدعي وتقول يارب ماتخلص السنه الا وزوجك متزوج عليك ويرميك انت واولادك ولايسال فيك و و و طيب ماخفتي ان الدعوه ترجع عليك نسيتي انه فيه ملك يقول ولك بالمثل
او وحده تتعاطف مع صاحبة الموضوع اللي تشتكي من زوجها او امها او ام زوجها او سلفتها وتقوم العضوه ترد بدعاء على الزوج او امه طيب غير انه مالك حق تدعي عليهم انت ماسمعتي المشكله الا من طرف واحد وتدعي عليهم؟؟ الله يشغلهم في نفسهم الله ينتقم منهم الله والله انا ماانكر احيانا اتعاطف مع صاحبة المشكله وانقهر عليها وخاصة اذا موضوعها فيه ظلم لها او لاطفالها بس ادعي ربي يفرج همها وينور بصيرتها ويهدي لها زوجها
والله اقرأ دعاوي مااعرف ليه تنكتب والمصيبه اللي تدعي مالها علاقه لاهي اللي كتبت الموضوع ولالها صله بالمشكله بس ترد على عضوه ماعجبها ردها بدعوه تناسب مشكلة صاحبة الموضوع
لو اشتكت وحده من امها وكذبتها عضوه او ردت رد قاسي دخلت ثالثه تدعي عليها يارب يذوقك اللي ذاقته وتكرهك امك ودعاوي تشيب الراس
اللي بتدعي ياتدعي بالهدايه ودعاء خير او لاترد
اللي بتكتب دعوه تتذكر انه فيه ملك يقول ولك بالمثل


((ولك بالمثل لاتنسوها هالجمله ))


تقبلوا نصيحتي ويعلم الله ماكتبتها الا من محبه وخوف لاني اعتبركن اخواتي