نصيحه من محبه لكن أخواتي المتزوجات

السلام عليكم ورحمة الله وبركاته

أولا انا اشكر العضوات على تفاعلهن في اعطاء الرأي والمشوره

واحب أهدي لكم خلاصة تجربتي وطبعا انا صح ما عندي خبره لسا ما كملت سنتين
زواج لكن والله تعلمت كثيييييييييير منها وحبيت انقل لكم تجربتي وخاصه اللي زوجها عصبي

أول شي حاولي تتجنبين اي شيء يثير اعصابه وخاصه وقت اللي يبي ينام
ووقت اذا كان جايع وجاي من العمل

ثانيا اذا تناقشتي معه امسكي نفسك لا تبكين لأنه الاحظ عليهم يعصبون زياده
ويزيد في الهواش والصياح ترى مو حل أنا أول وحده اعاني من المشكله بس أحاول قد ما أقدر

ثالثا ابعدي عن زوجك و صلي ركعتين و واشكي لربك وانتبهي تشكين لأهلك لأن هم ماراح ينسون
وتتشوه صورته عندهم

رابعا تصفحي النت واقراي مشاكل العالم وبتحسين ان مشكلتك تاااااافهه عندهم

خامسا لا تخلين المشكله تتفاقم عادي اطبخي وغسلي لأن مره ومن تجربه زعلت وما سويت
سحور تفاقمت المشكله و كبرت

سادسا لو اثناء الهواش قالك اطلعي من البيت قولي ماني طالعه هذا بيتي واجلسي لأن طلعتك
بتزيد المشكله سواء بطلبه او من نفسك

واخيرا لا تخلين ابليس يلعب عليك اجلسي مع نفسك وشوفي يمكن فعلا انتي غلط اعتذري
والله بالعكس راح يستحي ويصير يعتذر اذا هو غلط

اتمنى تستفيدون وترى الحياه فيها الحلو وفيها المر
الله يوفقكم :39:

محبتكم بنت سدير