نصيحه وفروا فلوسكم اللي تصرفونها باليوم الوطني وتبرعوا فيها لفقراء بلاد الحرمين..

السلام عليكم ورحمة الله وبركاته
اخباركم بنات حواء؟
حبيت اقدم نصيحه لكل من ناويه تحتفل باليوم الوطني وتشتري اعلام وبلايز وشعارات وطلبات للمدرسه لليوم الوطني وغيرها واخرتها هالاغراض ترمي بالزباله
اول شي معروف حكم الاحتفال باليوم الوطني لايجوز لانها تعتبر بدعه وكل بدعه ضلاله وكل ضلاله في النار
ماعندنا في الاسلام غير عيديين عيد الفطر وعيد الاضحى وثانيا انصح كل اخت تبي تحضر الاحتفالات انها توفر فلوسها وتتقي الله
وتتصدق فيها على فقير او يتيم او ارمله او مطلقه وتسأل عن جارتها اذا هي محتاجه او لا..؟
ولاتنسين ان الرسول صل الله عليه وسلم وصى على سابع جار
ولاتنسين الاجر العظيم اللي ينفعك يوم لاينفع فيه مالا ولابنون
حبيت ان يكون في اليوم الوطني فيه حمله لجمع تبرعات لفقراء بلاد الحرمين
وكل واحد يبدأ بجاره وقريبه ويسال عنهم
بدل الخساير على الاحتفالات والاغاني والرقص والتبذير والاسراف على الفاضي وغيرك يتمنى لقمه ياكلها
اتمنى تتقبلون وجهة نظري حتى لو كانت كانت قاسيه بوجهة نظركم
كل اللي ابيه تحسون بمعاناة الفقراء والمساكين وشكرا لكم