بسم الله والصلاة والسلام على رسول الله
بدون مقدمات يا أخوات ويا اداريات منتدى حواء
بالنسبه للتقيمات ي(عجبني ولا يعجبني) اللي بآخر والردود ياليت تنلغي
حرام نشوف رد يكون فيه تذكير بالله او صلاه على رسوله وينعطى ( لايعجبني )
يعني تجي اخت ردها ما يعجب اخت ثانيه وتكتب بنفس الرد تذكير بالله او دعوه ثم نشوف من هي معطيه لايعجبني
فيصير الموضوع قلة أدب مع الله أو تكبر على التذكير به
يا أخوات (((( قدر الله ))))
الله سبحانه وتعالى قدره عظيــــــــــــم كيف نقيم رد فيه ذكره ب لا يعجبني
أو تجي أخت بالخطأ تضغط على رد فيه تسبيح أو صلاه على رسول الله بلايعجبني
حتى لوكنا نقصد بتقييمنا الرد وليس ذكر الله
مادام ذكر الله موجود بالرد نرد عليه بأدب ولانقيمه
والله إني أخاف علينا يا أخوات ويا أصحاب المنتدى من انه يعاقبنا الله واو ينالنا شي من الذله بسبب هذي التقييمات
قال تعالى :
(وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ) (الزمر:67).
صحيح فيه من الردود الطيبه تقيم بيعجبني وهذا حسن
لكن كثير من الردود تقيم بلا يعجبني رغم انه فيها ذكر لله
وهذا مايجوز يا اخوات قدرالله
خارج موضوع التقييمات
ياليت يا أخوات لاجيتوا تشترون لأولادكم شنط مدارس انكم تتجنبون الشنط اللي فيها صور
كتاب الله لازم يحترم فكيف نحطه بشنطه كلها صور
برضه ياليت نعلم اولادنا انهم مايرمون شناطهم بأي مكان
لازم الطفل من صغره يعرف قدر كتاب الله
مايوضعه على الأرض أبدا
ولا يحطه بدرج الكتب مع الكتب لا لازم يكون فوق في مكان مرتفع وفي الشنطه يكون اول الكتب
برضه أحب أذكركن الجرايد يابنات
اللي تشوف جريده بالشارع أو كتاب ياليت ترفعهم
لأنه أكيد بيكون فيها إسم الله أو شي من القرآن
حتى لوكانت الجريده بحاله سيئه لاتقولين أخاف توسخني
دام عملك لله إفرحي واعرفي انك بعزه وحفظ من الله
أرجع لموضوعي
يالله يا أخوات خلونا نطالب بإلغاء التقييمات معرفه لقدر الله
نصيحه ياأخوات أخاف تصيبنا ذله من وراى تقييماتنا لبعض الردود بلا .. بلاش تقييم للردود
76
3K
يلزم عليك تسجيل الدخول أولًا لكتابة تعليق.
Kraft
•
ذنبها على جنبها. واكيد انها شيعيه الي تقيم بالاحمر فيه ذكر الله بس احسه حلو التقيم فيه ردود للبنات ماشالله عليها قمه في العقل والفطنه والعلم وتستاهل التقيم. اكثر وحده شفتها مقيمه بالاخضر ١١٥ وكانت تستاهل وناس قيموها ٣ احمر. باين عليهم ماعدينها لو يحطون اسماء الي تقيم كان تقوم حرب
الصفحة الأخيرة
واصلا اللي تقيم ذكر الله بلا يعجبني هي الخسرانه وراح تعرف الخساره لادخلت بيت الدود
جزاك الله خير على الموضوع القيم حقيمك امتياز وتستاهلين