نصيحه ياحريم .

ياشين الرجال اللي يشكي لصحبه أو أخوه عن زوجته .والعكس صحيح .
لكن نصيحتي أقدمها لك''ياالحريم أذا زوجك جاك ينقل لك شكوة أخوه أو صاحبه من زوجته اسكتي ولا تعلمين فيها مخلوق ونبهي زوجك مايتكلم عنها لا قدامك ولا قدام غيرك والافضل يحفظ سر اللي شكاه زوجته لانه مؤتمن ولوماهو بنظرة أمين مافضفض له عن زوجته وذكريه حتى أنتي مايعلمك عن ماقاله صاحبه له لانك ماتظمنين بكره زوجك هذا يشكي لصحبه عنك وصاحبه ينقله لزوجته وتصبح حياتك ومشاكلك تتناقل بمجالس الحريم !.
ليش أقول هذا الكلام ..لاني انا شخصيا مريت بتجربه شبيه مع طليقي والأن أختي المتزوجه ببدأ بأختي .
أختي زوجها وأخوه أخوان مرتبطين بعض أكثر من باقي أخوانهم لدرجة قوية حتى زواجهم مع بعض . واحد متزوج أختي واحد متزوج وحده .لكن تعرفون السلايف الا مايكون بينهم حزازيات ورسميات ..الخ .
طبعا زوج سلفة أخاي يقول لزوج أختي من تزوج عن مشاكله وايش الاشياء اللي تعملها زوجته وماتعجبه (وهذا أمر طبيعي موشرط ثنين يسجمون بسرعه مع بعض لان كل منهم له شخصيه مختلفه فضلا ان مافيه بيوت خاليه من المشاكل فضلا عن سوء الفهم او العتب بين الزوجين وهذا شي طبيعي مدامها ماوصلت للخروج من المنزل ) طبعا الله يسامح زوج أختي ماحفظ سر أخوه ويصب كل شي بأذن أختي وأختي تجينا تعلمنا بعلومهم ومشاكلهم ودايم انبه أختي واقولها اذا اخوه ماحفظ سره لا تجين تنقلين انتي مشاكلهم لنا ..بس أختي مصره ع هذي العاده لاني اشعر ان اختي في قلبها شي عليها والله حتى أمور استحي اسمعها تنقلها ع لسان زوجها . المهم نبهت أختي ان اللي ينقل عن أخوه ماتضمنين هو بعد يشكيك له وهكذا .....وأختي تحلف ان زوجها مو كذا واننا الحمد الله متفقين ومدري شنو ..وذكرتها بحركت طليقي يوم صاحبه امه لزمت عليه يعزمني واجي مع طليقي للعشاء وانا مااعرفهم ويوم جيتهم والمجلس فيه فوق 10 حريم الا امه فتحت مشاكلي مع طليقي قدام الحريم وتقول انا مع طليقي وانه مو غلطان وماتتخيلون كيف كان موقفي وسالته صدق بكل شي نقله ومن هي حتى تفتح معي موضوع مشاكلي فضلا عن اني عرفت ان كل شي طليقي يصبه بأذن ولدها ولا هي كيف عرفت .لكن ماأقول الا حسبي الله ونعم الوكيل فيه .المهم ذكرت اختي وقلت لها انصحي زوجك لا ينقل لك علوم اخوه وزوجته ولا تنقلين انتي شي لنا البيوت اسرار .
المهم مرت الشهور ....الا زوجة أخو زوج أختي تسألني عن أختي هذي وقلت ماعليها
قالت عن مشكله صايرة بين أختي وزوجها أنا أختها مادريت عنها .شي بينهم وبيتهم ماعلمنا فيها .
وقلت لها وش عرفك وهي سعيده مع زوجها وبيتها .
قالت لا ولا هي اول مره ..أختك كيت وكيت
وسبق صار بينهم كيت وكيت ...وقبلها كانت كيت وكيت .
والله اعطتني تقرير كامل عن ادق خلافاتهم .
ومن حر مافيني ع أختي اللي حسيتها متشفيه فيها كيف لو اختي تدري ان علومها عند سلفتها .
قلت وأنتي. من فين لك هذي المعلومات قالت زوجها يشكي لزوجي !! قلت :أهاآآ مثل مازوجك كان يشكي له !!
وهي يقلب لون وجهها قالت ليش وش قايل قلت اسأليه .مردى من زوج أختي الا زوجك !
بس جد يبنات الرجال أصبحوا أسوء من الحريم بتشكي ونقل اسرار البيوت المفروض كل وحده تنصح زوجها وتمسك لسانها .
وليومكم اختي ماتدري عن شي خاصه وعلاقتها هي وسلفتها سيئه .