السلام عليكم
بنات انا اليوم وايد معصبة ومتضايقة بقولكم ليش
انا مسوية تقويم صار الحين تقريبا 6 شهور وكل شهر لازم اراجع الدكتور....المهم اليوم كان عندي موعد الصبح سرت العيادة ..اقذر دكاترة شفتهم بحياتي ..لوعوا جبدي
اول شي الدكتور مواعيده مب مضبوطة وثاني شي مب نظيف وثالث شي وايد يتكلم ..تخيلوا يا بنات يسوي نص شغله ويخليني ويسير يتكلم مع ربيعته الدكتور اللي مادري بشو اوصفها وانا من النوع اللي امسك اعصابي كثر ما اقدر..حولني عندي الدكتورة اللي ما تتسماش تخيوا شو سوت! كان عندي سن ويباله تنظيف ..الآله اللي تنظف فيه سني من الطرف الثاني تحك فيه راسها .شفتوا القذارة وين وصلت .هذا بدل ما تعقم ادواتها واما الدكتور ما يغير القفازات
نصيـــــــحة لوجه اللـــــــــه يا بنات لا تسيرون هالعيادة واذا سرتوا اطلبوا الدكتورة سوبنا لان هي الوحيدة اللي شغلها نظيف وتمام التمام
العيادة اسمها
مركز الاخصائيين الطبي
والدكتور القذر اسمه روبن
والدكتور اللي اكثر من قذرة (اسفة يابنات على هالالفاظ بس غصب عني) اسمها ميني
وهالعيادة بعجمان
بنااااااااااااات اكثر الامراض تيي من عيادات الاسنان وخاصة مرض الكبد الوبائي وهذا كله من عدم النظافة ..الله يعافينا من الامراض
الحين عندي طلب منكم يا بنات الامارات
ابي اي وحدة تدليني على عيادة بالشارجة او عجمان يكون نظييييييييييييف ويعرف بالتقويم
اترياكم
يلزم عليك تسجيل الدخول أولًا لكتابة تعليق.
حلو انك تحذرين البنات لكن موبهالطريقة هذه لانك محاسبة على كل كلمة ولكن اقدر ظروفك لانك منزعجة لكن ليش ما قدمتي فيهم شكوة على هالتصرف هذاشيئ مشين فعلا لو كنت مكانك ما اخليهم يلمسونيوشكرا:27:
الصفحة الأخيرة
مشكوره اختي على تحذيرج..صج لا ذمه ولا ضمير قذاره عيني عينك.. بس حبيت اقول ان ممكن الايدز بعد ينتقل عن طريق الادوات اذا ما تعقمن بالكحول زين ...ترا يصير ويروحون بعض الناس ضحايا نتيجه اهمال تنظيف الادوات...عشان جيه لزم تسالون قبل اذا يتنظفن..لان الادوات النظيفه يطلعونهن من الكيس بعد التعقيم طبعا ويكون نظاف وبعض الادوات البلاستيك يرمونهن في الزباله لان ما يقدرون يعقمونهن ...ويطلعون يداد..الحمد لله اعالج اسناني عند مركز نظيف ووممتاز ولا عليه كلام بس غالين
اختي مشكوره على التحذير يا ليت لو اقدر افيدج بمكان في الشارجه زين..بس ما عندي اي علم لاني من العين
تحياتي:11: