السلام عليكم ورحمة الله..
بخش بالموضوع على طول..
لما اشوف بيوت اخواتي بنات عالم حواء اللي منزلينها..سواء يستعرضون..أو يستشيرون..
لاحظت شيء واحد..
الزحمة..
يعني الجدران معتقة او فلفت بالوان غامقه..وجبس ملون..والباب عليه حركات والوان.. والسراميك منقش..
طيب وش بقيتو للاثاث؟!!!!
كل شي مشجر ومرسم عليه..ما فيه اي شي سادة!!!!! ابد ابد!!!!!!
ليه كذا..ليه هالزحمه بالاشكال..
تلقون غرفة وحده جدارين على شكل طوب متصدع.. والجدارين الثانيات تعتيقه ماهي يم اللي قبل..
انوااااع الترقيع!!!!
اللي بيته اصلا متصدع ومتقشره البوية وطالع طوبها يبي يصبغه عشان يحسنه..
وناس بيتهم جديد ما فيه صدوع وبوية جديدة..ومع ذلك يرسم صدوع وطوب ما ادري وش وجه الجمال فيهم.. بس الناس اذواق..
اللي ابي اوصله.. انك يا اختي الكريمة..لما تختارين البوية والارضية.. فكري بالاثاث كيف بيكون؟
سادة والا مشجر؟ اللون فاتح والا غامق؟
لازم شغلك يكون مترابط.. مايكون كل الاثاث غامق.. ولا كله فاتح مع انه ارحم شوي..
واللون البني اشوفه منتشر في بيوت بنات حواء بشكل ممل!!!
الجدار فلفت بني..والكنب بني..والطاولات خشب بني!!!! ياساتر!!! خلصت الاوان الثانية!!!!!!؟؟؟؟
وكلها نفس الدرجة..يعني من الفن؟؟!!!!
لازم يكون فيه تفاوت بالالوان.. تباين.. يبين هذا كنب وهذا جدار..مو كلهم شي واحد!!!!
حلو لما الوحده تجمع صور من النت..من البيوت الاوربية والامريكية والقصور..
وتبداء تتفرج عليها وتشوف وش الشي اللي عاجبها بالضبط..
ايش الارضية اللي هم حاطينها باغلب الصور؟ لون الجدار كيف؟
كذا تجمع افكارها وتسير تعرف بالضبط وش تبي.. ولما تجي تاثث..ما يكون صعب عليها لأنها ماشيه من البداية صح..
باختصار.. خلو التشطيب ناعم عشان يكون فيه مجال للاثاث الفخم او الناعم وما يسير شكل البيت زحمة ومرقع..
وتمنياتي لكم بالبيت العامر بذكر الله..
وشكراً:26:
ندىالمطر @ndalmtr
محررة فضية
يلزم عليك تسجيل الدخول أولًا لكتابة تعليق.
مشتاقة لوجه ربي
•
جزاك الله خير والله انك صادقة مافي مثل البساطة
انا معاك قلبا وقالبا لاني من اللحين حاطه خطه لتشطيب واثاث بيتي وانا اللحين بمرحلة البناء وببتعد ابتعاد كلي عن ترقيع الجدران...كلها بتكووون ساده ان شاء الله...
الصفحة الأخيرة