نضارة للعيد في 18 يوم

كيفكم اخواتي بمنتدى حواء رمضان كريم علينا وعليكم .
اليوم حبيت أفيد الأخوات بكل الأشياء اللي نفعتني واستفدت منها , وساعدتني وجابت نتيجة ممتازة بفترة قصيرة وبعيد عن نصب دكتورات الجلدية واخصائيات الشعر

اللي بسببهم تعقدت وخسرت كثير وما استفدت حتى تغيير بنسبة 1 بالمية .
طبعا كل الأشياء اللي راح اذكرها ممتازة جداا وجربتها على نفسي واخذت البرنامج العناية من بنت جيرانا بعد ما شفت التغيير اللي حصل لها ماشاء الله .

-----------------------------------------------------

نبدأ بالتدريج لتبييض الأسنان فرشاة أسنان , نصف ملعقة كركم وأيضا ليمون يفرك بالأسنان لمدة 3 دقايق والنتيجة مع الأستمرار راح تكون الأسنان بيضاء ويروح صفار الأسنان

ولا تنسون الكركم يساعد في تطهير اللثة من البكتيريا وكان يستخدم بالقدم .
--------------------------------------------------------

نجي للشفايف ( سكر , جوز هند , زيت الجوجوبا ) نفرك بالفرشاة بخفة وبعدها نغسل ونرطب ( والترطيب جدااا جميل ) جلي جونسن للأطفال ) وبعدها وقت النوم ( جيبي مرطب شفايفك ) اشتري من الصيدلية مرطب شفايف ملون لون وردي او احمر ( بالأضافة الى فيتامين هاء على هيئة زيت للبشرة او كبسولة للأكل والأثنين ممتاز نفس المفعول روحي خذي الزيت وحطيه على شفايفك

وبعدها بخمس دقايق راح تحطي على شفايفك المرطب ( راح تحسين باليوم الثاني شفايفك اكثر امتلاء واختفاء خطوط الشفاه بالأضافة للترطيب واللون طبيعي مشرق ) وما يحتاج ملمع شفاه

لأنه فيتامين هاء لوحده يعمل ملمع شفاه .

---------------------------------------------------


نجي للوجه ( حبوب وعيوب وسواد تحت الفم ) ؟؟؟؟؟؟؟؟
الحل طبعا بجل الصبار الطبيعي , روحي اشتري من محلات النباتات صبار طبيعي وافتحيه نصفين وخذي الجل وادهنيه على وجهك ونامي فيه , السواد بقع التهاب كله راح يروح مع الأستخدام مرتين باليوم , معناته راح تحتاجين كمية صبار , من النوع الكبير ,( بعد الأستخدام نضارة وتفتيح للبشرة وصفاء ) راح يختفي السواد وماتتعبين نفسك .
نجي للغسول الوجه , نستخدم غسول سيتفال للبشرة حسب نوعها ممتاز ها الغسول , لجميع انواع البشرة .
الصابون استخدمي صابون حسب نوع بشرتك ويكون طبي , تجفيف وجهك بالمنشفة القطن , وبالأخر ترطيب بكريم ترطيب سيتيفال .
ماسك ( يعطيك نضارة للوجه ويستخدم يوميا جل الكتان ( من نبتة الكتان تستخرجينه , وتستخدمينه قبل النوم على وجهك , والصباح تغسلين ومع الأستمرار عليه تظهر النتيجة يزيل التجاعيد

يحفز الكولاجين , يزيل المسامات مهما كان نوعها , والحفر والندوب والنتيجة تظهر بعد 3 أشهر في الحالات الشديدة , الحالة البسيطة من الأسبوع الأول .
(مع الأنتباه لوكانت بشرتك حساسة ) استخدمي كريم للترطيب بيناثين ممتاز للجلد وترطيبه .
النضارة اعتمدنا على الصبار , ويصير عادي تخلطين قبل النوم صبار مع جل الكتان النتيجة تكون أسرع .
بعدها ب3 أسابيع نوقف الصبار قبل النوم ونستخدم مرهم ميبو للحروق , قبل النوم ويصير الصبار للترطيب فقط بعد غسل الوجه.

ونجي للبقع ( وتجديد البشرة ) طبعا مرهم ميبو من أحسن الكريمات للحروق يساعد على ازالة البقع من الوجه ويجدد طبقات الجلد قبل النوم حطي على وجهك منه ونامي والصباح اغسلي ولو ماتستحملون الكريم لانه زيتي يفضل تستخدمون الصبار والكتان والصباح يغسل . النضارة جدددا ساطعة ببشرتك كانها بشرة بيبي ومايحتاج مكياج .
نجي لموية الورد ( جيبي ورد من العطار ) اغسليه فوحيه وخذي مويته وبعدها حطي بعلبة بخ وبخي على وجهك بعد غسله )
ماسك النضارة ( جيبي الطحانة اطحني شوفان _ والورد _ وجيبي نشا وحطيها على وجهك واذا جف تماما اغسليه ) الماسك يعطي الوجه لمعة ونضارة ويشد ويضيق المسام ويغلقها مع الأستخدام .
-------------------------------------------------------------------------------
بالنسبة للجسم مرة بالأسبوع ( استخدمي مقشر السكر , وزيت جوز الهند , والجوجوبا ,والقهوة المطحونة ) تفركين الجسم بحركات دائرية .
الأسبوع الثاني :_

ونجي للصابون المغربي ( 2 فنجان صابون حمام مغربي للجسم كامل , زيت جوجوبا , 3 نقاط , وملعقة زيت جوز هند , يخلط بالملعقة ) ويوضع على الجسم مع التدليك مدة عشر دقائق .
تتخلصين من الجلد الميت , وتعطين بشرتك تجديد .
--------------------------------------------------------------------------------
هالشي متاح للناس اللي ماعندها سكر وظغط ))

ونجي للرجلين اكيد عندك بقع بالأكواع من الجلوس ( جيبي بابونج ومويه دافيه وحطيه للرجلين مدة 20 دقيقة ) يساعد على التطهير ازالة البكتيريا وازالة السموم وبالتالي يزيد من نشاط الجسم .
للأكواع ( زبدة الكاكاو من بالمرز _ فيتامين هاء _ ) تدهن الأكواع مع لبس قماش او وضع شاش عليها وقت النوم
--------------------------------------------------------------------------
بالنسبة للناس اللي عندهم مرض السكر يفضل انهم يستخدمون منتجات طبية للأقدام مخصصة لمرضى السكر , واحب انبه اللي عندهم حساسية من زبدة الكاكاو او الشيا , يعوضون باستخدام الجليوسيد )