كيفكم يابنات عالمي الحبيب على قلبي عالم حواء ...
ومشكورات على الردود الطيبه الي منكم وربي انه مثل البلسم على قلبي لما اقراها ودعواتكم لي اهم شي عندي الله يسعدكم ..
ومشكوره لأحلا عضوه ومشرفه لهذا القسم على الشعار والتشجيع سمن وعسل الله يوفقك وين مارحتي ويسعدك يارب
راح ابداء الجزء الثاني من ترتيب الدواليب في مطبـــــــخي ...
وهذا رابط الجزء الأول >>>>>>>>
http://forum.hawaaworld.com/showthread.php?t=2976110
&& ماشاء الله تبارك الله لاحول ولاقوة الا بالله &&
بسم الله نبدا >>>>>>>>>>>>>>
طبعا هذا دولاب الدلال والثلاجات تبع القهوه والشاي ...
اول شئ مسحت الدولاب بكلوركس + ماء دافئ + شوية فيري بعدها نشفته بمنشفه ناشفه ...
ورتبت الدلال والبراريد فوق لأنه ماتستخدم الا وقت العزايم وحطيت بالنص مبخرة العزايم لأنه عندي غيرها للبيت ...
وزيادة خير عطتها منضر حلو ههههههههه
وتحت حطيت ثلاجات القهوه والشاي او ترامس زي مايقولون عنها ورتبتها بهالطريقه الي ماستخدمها بكثره حطيتها ورا ...
والي استخدمها بأستمرار حطيتها قريب مني للأستخدام ...
هذا حبيباتي دولاب البراريد العاديه وحقات القهوه التركيه وبعض الجيوك عندي مسحته ونضفته بعدها رتبته ...
وطبعا راح تشوفون الجيوك تبع عصيرات المراعي انا احب احتفض بكم واحد منها عشان استخدمها بكثره ...
احيانا اعبيه عصيرات انا اسويها في البيت واحطها بالثلاجه لأنه غطاها كويس ومايخلي العصير يخرب مثل الجيوك العاديه ...
وكمان اخذها لارحت لعزايم عائليه اكون معبيتها عصير وبدل ماروح متحمله مواعين نستخدمها ونرميها على طول >>>>>>>> ام الأفكــــــــــار ماتضيع شي هههههههههههه
هذا الدولاب فاضي عندي مافيه الا طقم فخاري مع اكوابه وحافضات هديه من اندومي ...
مسحته ونضفته مثل الدواليب الباقيه ...
ان شاء الله راح احط فيه طقم الميلامين اذا شريته ...
هذا دولاب الكاسات والجيوك الزينه >>>> للمناسبات فقط او الرومنسيات مع ابو الشباب هههههه
نضفته بالكلوركس ورجعت رتبته زي مانتم شايفين ...
طبعا هذا الدولاب كنت حاطه فيه البايركسات تبع الحلا والمواعين القزاز الشفافه بس حبيت اغير ...
هذا الدولاب كان مافيه شي فعبيته حافضات مليانه بكل شي من بهارات وبقوليات وبعض الأشياء بس لاتدققون ههههه ...
انا حاطه في بالي حافضات من ايكيا راح اشتريها بدل الي موجوده وهي اصلا من ايكيا الي غطاها اخضر شفتوها واخليها سطور يعني حافضات طويله قدامها وسط والوسط قدامه صغير ...
يعني يصير شكله مثل الدرج ان شاء الله فهمتو علي بس ههههههههههه
هذا دولاب القدور طبعا ماكان فيه مفرش فلاحضت انه صار مبقع بللون فضي من القدور فحطيت له بعد مانضفته قصدير ولزقته بشطرطون من الجوانب...
ياويل الي تضحك علي زي زوجي لأنه بعد ماشتريت له مفرش فأستغليت القصدير وتصدقون انه صار منور من جوه لما افتحه لأنه يعكس الأضاءه ها لاتضحكون ترا اشوفكم >>>>>> هههههههههههههه
والي يسأل المفارش الي حاطتها بالدواليب من فين تلاقينها بكل مكان وبكل سوق او مجمع على قفا من يشيل هههه
هذا الدولاب بعد ماحطيت فيه القدور وكلها كم قدر لأنه الباقي فوق الفرن وكنت اسوي كشري يم يم يم يعني طلعت كل قدوري هههههههههههه ...
طبعا باقي دواليب واجد زي دواليب المقاضي والدقيق والرز والملاعق والسكاكين واشياء واجد لأنه مطبخي كبير مع انه ساكنين بشقه بس ان شاء الله راح اصوره لكم لما اتقضا واعبيه وارتبه لأنه الحين مافيه الا كم شغله مع نهاية الشهر نستنا الرواتب ههههههههههه >>>
واذا خلصت كل الصور راح اصوره لكم من برا واوريكم ترتيبي فيه
ان شاء الله عجبكم شغلي وترتيبي وماأبي منكم الا الدعاء لي ...
اختكم اسيــــرة الذكــــــرى
تنظيم وتنظيف ولااروع
ربي يعطيك العافيه وتسلم يمناك
موفقه يارب
:26: