مالي نظام معين
كل شي عشوائي
الغسيل والكوي يوم ايه ويوم لا عشام ملابس زوجي للدوام وملابس بنتي
ترتيب البيت والتنظيف يوميا
لازم كل يوم اكلم امي اتطمن عليها (عسى ربيا يطول بعمرها يارب ولايحرمني منها )
وطبعا القهوه والشاي والحلا يوميا بعد المغرب عشان زوجي

وطبعا بنتي انيمها بالليل قبلنا

والحفلااااااات نفس اسويها بس مافيه وقت لان دوام زوجي مررررررره صعب
يداوم من الفجر الا المغرب فيجي تعبان ماله خلق اي شي
والخميس كمان دوام

انا نظامي مختلف شوي اصحى بعد صلاة الفجر على طول اصلي وقوم عيالي للمدرسه علي مايقومون ويفطرون ويلبسون اكون انا خلصت لبسي ونطلع كلا سواء انا لعملي وهم لمدارسهم ارجع الظهر وبعدين ادخل المطبخ انا والشغاله نخلص الغداء واجلس علي النت ساعه الى ساعه ونصف واذا جاء زوجي تغدينا وجلست علي عالم حواء الى اذان العصر ثم صليت ونمت للمغرب وبعد المغرب نتقهوى قهوة المغرب مع التمر اوالحلا وبعدين اشوف واجبات عيالي المدرسيه والعشاء ماهنا كلافه سندوتشات جبن ولا شكشوكه ولاتميس وفول ولانواشف وبعض المرات سندوتشات من برا وبعض المرات اطلع اخلص اشغالي بعد العشاء /بنده /ستي بلازا/صيدليه /كافي * اوزيارات خفيفه وهذا بانادر وباقي الوقت علي عالم حواء *والخميس والجمعه نظامها مختلف /وشغل البيت بس على الاشراف لانه عندي شغالاتين وحده تنظيف وحده طبخ ورعايةبناتي الصغار

أنا اصحى للفجر أصلي واقرأ قرآن لحد موعد قومة العيال وتجهيزهم وحوستهم واصحي بنتي الصغيرة بعد تفطر معاهم عشان ترجع تنام معاي بعد مايروحون أرتب غرفهم وحوسة الفطور وأخذ بنتي واشيك على الواتس والنت إلى ٨ ونص ونرجع ننام إلى ١١ أو ١٢ أقوم أفطر وبعدها أجهز للغدا مأخذه راحتي لانه مانتغدا الأبعد العصر واغلب شغلي أسويه بالليل ماعدا الغسيل بالنهار ويجون العيال على ٣ لانه إحنا بأمريكا ويخلصون بها الوقت يجون يريحون شوي ويسوون واجباتهم على ما يلخصون أجهز غداهم يتغدون وبها الوقت أقوم أسوي لي كم شغله نوم العصر ما نعرفه بعدا لمغرب أجهز لهم خفايف و٨ ونص يبدأون يجهزون للنوم ما ينامون إلا تسع وربع عاد أنا بعدها هذا وقتي زوجي اغلب وقته بالجامعة واسوي لي حلى وقهوة وافتح النت واشيك على الواتس وهذا نظامي أحسه روتين كل يوم أقول باترك عالم حواء وأخذ لي درس أنجلش بااليوتيوب لكن إدمان شوي ونرجع له

نظامي يعتبر عشوائي
مافي نظام معين اتبعه
طول الاسبوع اقعد مااطلع الا الويك اند لاني اذا طلعت ولدي ماينام
فاضطر اقعد بالبيت
واحيانا اصير اطلع كل يوم عشان اشياء مهمه بالتالي ارجع القى وراي الف شغله وشغله
اهتمامي بنفسي ماله وقت محدد
بس نقدر نقول اول يوم دوره
ويوم الثلاثاء
واخر يوم دوره
هم اللي احب اهتم فيهم بنفسي
بوجهي باظافري بجسمي وغيره
اما ببيتي فالسالفه مزاجات
احيانا اقوم من النوم على طول اشتغل ارتب وانظف ومايعجبني الا شغلي
مع ان عندي شغاله بس مايعجبني شغلها ابدا بس عالاقل تساعدني وتشيل عني غسل الحمامات والمواعين والكنس والمسح
زوجي مش أكول ومايهتم بالاكل كثير هالشي مريحني جدااا
يعني مايطلب حلى الا مره بالاسبوع او كل اسبوعين
ومايشرب قهوه او شاهي كلها كوب كوفي
طفلي هالفتره يمر بمرحله علاجيه
هالشي مخلي في حياتي روتين يومي
الصبح اكون معاه وبالليل نفس الشي