نظافة المنطقه الحساسه لدى البنات //قديم

والله مدري وش أقول بنتي لها اسبوعين كله تحك منطقة الفرج عندها والشرج

تقولون عنها حساااسيه شريت مرهم مانفع وهاوشتها مااانفع عمرها 4 سنؤااات

قلت يمكنه لاني اغسلها بصابون لوكس مدري شسوي

السلام عليكم00

أنا عودت بنتي تنشف بعد الحمام الله يكرمكم00بمنديل متين أو فوطة خصصتها لها لأن المنديل العادي يتفتت ويدخل

إذا حست بحكة أو ما أرتاحت على طول أجيب مناديل بيجون المبللة وأمسح لها المنطقة بحذر0بعدين أدهن لها بفازلين أو زيت زيتون00

إذا شفت إحمرار أرش عليها بودرة أطفال بس أنتبه ماتدخل داخل00

سبحان الله المنطقة حساسة00أحيانا تتضايق البنت وتحس بتقريص وألقاها شعره00

عشان كذا لازم أغير لها بستمرار حتى لو مالقيت شي على الملابس 00ودائما أغسل ملابسها الداخلية بماء وملح00

للرفع الموضوع هذا جدا مضايقني الله يستر على بناتنا ياااارب

احذركم اخواتي لاتحطو ملابس بناتكم الداخليه مع ملابسكم بنفس الغساله تنغسل مع بعض خصوصا اذا كان معك التهابات ترا تنقلينها لها وبالتوفيق يارب احفظ بناتنا وبنات المسليمن

اختي تنظيف المنتطقة اول شي من الامام الي الخلف والتنشيف بفوطة افضل من المحارم .. والاخت الي تستخدم صابون لوكس احس انه قوي على الطفل ....
انا انظفها بالماء وباستخدام اسفنجة احس افضل من اللمس باليد وطبعا الاسنفجة يكون فيها ماي وصابون مخصص للاطفال من اي شركة جونسون اوهيمالايا او شيكو اوسيباميد حسب راحتك . ... وانظف الاسفنجة واعقمها بين كل كمن يوم بماء مخفف بالديتول.