مااعرف وين احط الموضوع فقلت احطه بالاسريه والمشرفات الله يجزاهم خير ينقلونه حسب معرفتهم
خواتي بنات حواء كل وحده من سواء كانت متزوجه او غير متزوجه تحب تكون بابهى واجمل منظر مااتكلم عن المكياج والملابس
اقصد النظافه وال النعومه الشخصيه
قبل كنت كل اسبوعين تجيني حقت الحمام المغربي وعارفه موعدها كل اسبوعين عندي
بعدها فكرت ليش مو انا اللي اسوي كل شي بنفسي والله اني استحيت من التكشف كاني بزر وهي تحممني
فققررت اني اشتغل على نفسي
اولاً : ايام الدوره الله يكرمكم ..
للمتزوجات
يمكن بعضكم يعرف هلخلطه ويمكن البعض الاخر مايعرفها فافيدهم – عسل – ملح خشن – مره – تخلطينهم مع بعض وتسوينهم زي التحميله وتحطينه بالمهبل مع اخر يوم دوره
يابنات هذا مو كلامي هذا كلام الدكتوره هي قالتلي ينظف الرحم بشكل رائع
وهذي المره للي مايعرفها
انا وش اسوي
ثالث يوم احط الله يكرمكم على الفوطه الصحيه مسحه من هالخلطه ورابع يوم نفس الشي واليوم الاخير اسويها تحميله مهبليه
للبنات
مويه وملح
يابنات وربي انه معقم ممتاز لكل شي تبينه للعيون عقمها تبينه مضمضه تبينه لريحه الارجل الله يعزكم تبينه للمنطقه الحساسه يقتل الجراثيم
( ريحه الفم مضمضه كل مادخلتي دورة المياه تمضمضي واذا طلعتلك الحبوب البيضاء داخل الفم تمضمضي يابمره يا بملح ومويه )
( ريحة الارجل عندي اخوي الله يحفظه يعاني من هالمشكله بشكل فضيع والسبب لبسه للبسطار ( البسطار = جزمه العسكريين البوت صيفاً شتاءً ) قلتله عن المويه والملح وصار يوميا والحين ارتاح من هالمشكله نهائياً )
( المنطقه الحساسه حطي قاروره حطي فيها ملح خشن ومويه دافيه وخضيها زين وغسلي فيها )
ثانياً : بعد انتهاء الدوره ..
اذا انتي من النوع اللي يستخدم الموس فعليك بجونسون بيبي حطيه بعدين احلقي عشان تصيرين ناعمه واذا خلصتي بودره الاطفال على كل الجسم
اما الحلاوه بعد ماتخلصين من النتف حطي نشاء + مويه دافيه عشان تسكر المسامات
ثالثاً : باق الايام ..
تقشير الجسم قريت وحده من البنات الله يجزاها الف خير كاتبه خلطه تقشير واستخدمتها ون اول مره حسيت بالفرق
زيت زيتون + ملح خشن + ملح ناعم
وكريم يبيض وينعم
ليمون + فكس + جولسيد + مويه ورد + نشاء
طبعا الريحه بتصير فكس بس خليه ساعتين وتروشي
الوجه :
بالنسبه لي العيون خيار بارد اكون حاطته شوي بالفريز او احطه بمويه وثلج
والشفايف افركي ليمون بشوووووووووووووويش تصير ورديه :kiss2:
النقط السوداء بالخشم عندك بالصيدليه اللزق حقهم روعه برضوع السكراب للبشره انا يعجبني المشمش
وجهاز البخار حق الوجه اذا ماعندك قدر حطي فيه مويه حاره وجيبي فوطه وتعرفون الباقي
الشعر :
كثير يعانون ان شعرهم مافيه لمعه
السبب هو انك ماتغسلين الشامبو زين من شعرك يعني اذا تروشتي وحطيتي الشامبو نظفيه بالمويه مرتين وثلاث واربع لين اذا عصرتيه تلقينه مويه بدون شوائب
والفاشكول يابنات روعه يلين الشعر
وهذي خلطه للشعر :
فاشكول + زيت زيتون + زيت خروع + ليمون + بيضه البيضه حسب الرغبه :hahaha:
الاضافر :اذا تعانين من تكسرها بسرعه وضعفيه نقعيها بزيت زيتون دافي
نجي الحين للعيوب
يابنات اذا عندك عيوب اخفيها مو توضحينها يعني اشوف بنات تكون سيقانها مجرحه او مليانه حبوب وتلبس قصير
مااقول لاتلبسين قصير بس تفنني باخفائها
يعني اذا عندك مشاكل بالسيقان فيه الشرابات الشبك يبيعونها برشكا حلوين و يعطون شكل حلو
اذا عندك مشاكل باليدين
يعني مثلا انا اعتبر يدي مربربه ونفسي تكون دقيقه :sad:
اجي احط مينيكر غامق – اذا ماعلي صلاه طبعاً – البس خاتم كبير لان الخواتم الصغيره تكبر اليدين -يعني البنات اللي مو حابين يدهم تصير صغيره تحط مينيكير فاتح وتلبس خواتم صغيره –
تلبس سواره او ساعه يعني لاتخلي يدها فاضيه فهمتوني
اللي عندهم بطن او كرش لاتلبس ماسك والله مو حلو ابد والحين البلايز اللي تجيك ممسوكه من جهه الصدر وسيعه من جهه البطن ماليه السوق واشكالها حلوه ومرتبه
انا بالجامعه والاحظ البنات الصبح يحطون فل ميك اب مره اوفر انا اذا كثرت مره حطيت كحل ولا العاده شويه مسكره وقلوس ناعم ولا اللبس النظاره
البساطه وعدم التكلف احلى بكثير
اتمنى اكون افدتكم ولو بشي واحد
:icon35:
وجهد تشكرين عليه
الله يعطيك العافيه ولاتحرمينا من مواااااااضيعك المميزه:)