نظامكم برمضان كيف وخاصه اللي اسرتها كبيره

نظمي وقتك واذا عندك شغاله خليها تسوي العجينه وانتي اقراي سوره استغفري او وانتي تشتغلين اقراي المعوذات استغفري
والله يبلغنا رمضان

حياكِ الله أختي وتسلمين ع الموضوع الرائع وجاء بوقته كنت أفكر مع نفسي كيف أنظم وقتي في رمضان

أنا عائلتي كبيرة نوعاً ما
وساعات يفطرون أخواني وزوجاتهم معانا
ومحد يبطخ في البيت غيري و الوالدة الله يطول بعمرها تستلم الشوربة والقهوة فقط أما باقي الفطور أنا اللي أصلحه
وغير هذا ماعندنا شغالة
وأضيق بقوة إذا مر اليوم وأنا ما هللت ولا كبرت يالله لا تشغلنا إلا بطاعتك ولعلي أحتسب أجر تفطير الصائم والله يقبل
العام الماضي
كنت أصحى 11 الظهر وعلى طول أعجن العجاين وأبدأ بشغل الحشوات
اصلي الظهر وأبدأ بترتيب المطبخ وأشوف أنا وش ناويه اسوي غير المعجنات بسوي حلويات الخ
فطورنا إحنا يعتمد على الفطاير والسمبوسة لأنهم ما يشتهون أكل دسم على الفطور ونخليها بالسحور كبسة يحبها قلبك :)
وعلى هذا أنا مجبورة أسوي مقدار مضاعف من المعجنات لأننا شغالين عليها من الفطور وبعد التراويح إلين السحور
على آذان العصر أكون مخلصتها ويصير باقي لي القلي ( سمبوسة ، لقيمات ، جبنية ، جيب التاجر ) أخليها بأخر ساعة
أرتب السفرة وأحاول أقرأ لي كم صفحة من المصحف ..


يأذن المغرب نفطر والسفرة يكون فيها كل شيء صلحناه يعني ما فيه دفعة ثانية
أصلي إذا كان علي تغسيل المواعين غسلتها وساعات خوات الصغار يغسلونها وبكذا مايصير عندي شيء أخذ شور و أحياناً اذا كنت تعبانة مره انام بين المغرب والعشاء ــ وهو نومه منهي عنها ــ بس عشان أتنشط للتراويح
يأذن وأروح أنا وماما على المسجد ونرجع الساعة 10

نتقهوى ونقعد مع بعضنا .. واذا صارت 12 خلاص هذا وقتي الخاص خلصت من كل مهماتي (السحور تستلمه أختي الثانية )
وبهالوقت يا أتصفح النت أدور على فطور بكره خخخ ، أو أقرأ قرآن ، أو أنام لين السحور ..



أتسحر أصلي الفجر أجلس لين وقت الشروق أصلي السنة وأنااااااااااااااااااااااام

بالنسبة لملابس العيد والأشياء هذي أكون شاريتها بشهر 8 :)
حتى السنة هذي عندنا زواجات بعد العيد ومن الحين أجهز عشان ما أضطر انزل في رمضان .. الحمدلله شريت لبس العيد باقي الفستان : )


التلفزيون شاطبه عليه من زمان لأن المجد خربت عندي ومالي خلق خرابيط القناة السعودية فقلت مانيي ميته لو ما شفت تلفزيون :)
والحمدلله وفرت وقتي ..

السنة هذي أفكر أني أبدأ بشغل الفطور اخر شعبان وأفرزها .. رغم أني أحب الأكل الفرش
جربت السمبوسة وطلع لها طعم مو مثل الطازجة : )

بس مضطره هالسنة بسويها لأن الشغل علي جامد شوي هالمره .. والأجواء مثل مانتي شايفة حااااااااااااارهـ مره
ونفسي أستغل النهار بالذكر ..

أعذريني على الإطالة
هذا والله ييسر لي ولكم فعل الخيرات ..
وكل عام والجميع إلى الله أقرب

الله يعينا ويعينكم ويبلغنارمضان باحسن حال ويتقبل منا طاعاتنا

انت نفس حالتي مالقى وقت
الله يعين صار رمضان شغل ونوم

الله يبلغنا رمضان بصحه وعافيه ومن نحب ويجعلنا من صوامه وقوامه اللهم امين

مقاضي العيد خلصيها من الحين عندك وقت كافي انا الحمدلله لي ثلاث سنوات اخلص كل شي في شعبان ورمضان مااطلع لسوق نهائي ومرتااااااحه الحمدلله اصلا السوق برمضان ماتلقين فيه شي الناس تظف ضف وتضرين تاخذين اي شي حتى لو مو عاجبك اسم انه شي جديد
لكن الحين عندي وقت افصل انسق اختار على كيفي

الفطور فرزني بعض الاشياء كبه سمبوسه ورق عنب سبريق رول .. الخ دائما نفرزنها وتطلع لذيذه مافيه فرق والله


والتلفزيون حرام والله يضيع الشهر وحنا مقابلينه انا الحمدلله قاومت العام العشر الاواخر ماتابعت شي وهالسنه ناويه كل رمضان
لان كل شي بينعاد حرام اضيع علي اجر هالشهر هالسنه لحقت عليه يمكن السنه الجاي ماالحق

واهم شي الاستغفار على لسانك من تصبحين وتبدين شغل تشوفين ربي كيف ييسر وقتك وتخلصين بسرعه

الله يقبل منا ومنكم ويغفر لنا ولكم ويجعلنا ممن استجيب
لهم واعتقت رقابهم من النار