معليش خير اللي اخليها تدخل بذوقي او شي هي شغاله وهذا مسمى لشغلها تاخذ راتب انا بس ارحمها
الشغاله مالها دخل ب اي شي غير انها تنام ١١ وتقوم ٧ الصباح لها احترامها اي شي تبيه نوفر لها بحدود المعقول جوال وقت الشغل ماااااااااافيه نهائياً ما عندها شغل ع العصر او المغرب عادي تدخل ترتاح تنام تمسك جوالها براحتها تغطي شعرها ما اسولف كككككثير معاها اسولف ب المحدود اسئلها عن اهلها احياناً بسسسس
والله فيه شغاله دلعناها مررررررره في النهايه من كثير ما كانو اهلي يسولفون معاها وصارت تاخذ وتعطي صارت تنافق بيننا وتوصل كلام ذا لذا الشغالات ما ينعطون وجه هذا شغلها وتاخذ راتبها وخلاص اعاملها بالللي يرضي ربي
الصفحة الأخيرة
حسب الظروف الصحية والمادية
لكن اذا كانت موجوده مالها علاقة بأطفالي نهائي حتى لو هي تلاحقهم او تحبهم ما اجبرها عليهم او اطلب منها تسوي شي لهم , ولذلك انا اقوم فيهم الصباح واسوي فطورهم واغلي الحليب لهم واودعهم وهي تنزل على الساعة 7 يكون البيت خلاص فاضي
تخلص شغلها
وحسب وضع نومي اذا مكركب اقوم حول الظهر واذا منتظم اصحى 10
وطبعا تجي الشغالة وتروح وهي ما تعرف تطبخ انا ما احبها تطبخ لاطفالي هي تغسل وتقطع وتشتغل وانا اسوي الاكل
اهم شي عندي والمتعب علي هو تنظيف البيت والملابس والكوي والصحون
والباقي بتنظيم مني اسويه برواقه ومحبة الحمدلله
فانا اعتبر الشغالة مساعدة لي وما اخليها الكل في الكل
طبعا يكون لها وقت راحة اذا خلصت البيت في النهار قبل يجون الاطفال
بس يجون تبدا تجمع ملابس المدرسة وترتب بعدهم وتروح وترجع لي في المطبخ وانا اطبخ
والغسيل افهمها اني ابغاها تغسل ثلاث مرات في الاسبوع عشان ما تدهر المويه
والكوي حسب قدرتها اهم شي امورنا الاساسية الاقيها اللي هي ملابس الخروج والمدارس والعباية
واذا اذن العشاء تكون خلاص تعشت مع العيال " يعني نفس الوقت مو لازم معهم في نفس المكان لان بعض الاحيان يكون ابوهم موجود فنعطيها اكلها لحالها واذا ابوهم برا اناديها تتعشى معهم على نفس السفرة
وبس يصلون العشاء انا اوقف لهم تفريش اسنان وبجامات وينامون بالعافية وهي تشطب المطبخ وتطلع فوق وخلاص ما علي منها وش تسوي
طبعا عندي اساسيات من اول يوم تدخل البيت :
مافيه جوال كميرا
اعطيها من عندي جوال بدون كميرا وافهمها ان ماعندي أي مانع تستخدمه في غرفتها ووقت فراغها لكن ما اشوفه معها وقت العمل او داخل غرف المعيشة الخاصة فينا
واشحن لها شهريا مني مكافئة 50 ريال اذا تبي اكثر هي تدفع واشحن لها ماعندي أي مانع
واغراضها الشخصية من ملابس عمل او اشياء مهمة او صوابين وفرشه وكريمات اساسية عشان اليد والجسم والشامبو واغراض يومية مني اشتريها واحتسب الاجر
لكن اذا بدت تطلب اشياء كمالية مثلا لوشنات وكريمات غريبة و فيتامينات بشرة وغيره هي تدفعها
يعني اعطيها بس احط حدود لا تستغلني
وفي الاعياد اشتري لها معنا ملابس وشوز وغيار كامل واعطيها عيدية
وفي الشتاء ادور لها الدافي
واحاول امسك العصايه من النصف ما اشد عليها واستغلها واستغل حاجتها وفي نفس الوقت ما اخليها تستغلني وتشوفني مصدر شفط
طبعا اذا هي كويسة وماشيه معاي صح ولا حسيتها تحاول تستفزني اخر شهر في خدمتها اشتري لها هدايا مناسبة لها ولاطفالها