قمر رمضان :

الله يلحقنا رمضان وحنا بخير غير فاقدين ولا مفقودين زايدني غير ناقصين يارب حنا وكل مسلم وتنصر اهل سوريا وتأخذ بشار الاسد واعوانه اخذ عزيز مقتدر قادرياكريم في رمضان اول الايام حماس بس رجلي الله يهديه يهبط الهمه اكله تقليدي ولا كل شي ياكله متعب والله وبعد فتره اللي كان ما يحبة يصير هو اللذيذ ويطلبه ثاني يعني تعقيد بس المهم على السفره القهوه والتمر والدخن شي ضروري ولا الفطور عليه اكس والسنبوسه بطاطس بالحم يمي اموت عليها وعصيرات فيمتو وتانج مثلجين ولقيمات من ام زوجي هذا اول ما يذن وقبل صلاة العشاء لازم ياكل زوجي شوربة كويكر بالحم ضروري ومعكرونه اذا فيه او مصقعه او اي صينيه وحلا انا لالا ما اقدر اكل لئني اكثر على الفطور الاول وادق دق في السمبوسه بشكل يدوخ مشاء الله علي احب اكل على الساعه 11 باليل برضو سمبوسه وعصير او حلا والسحور ناكله قبل الاذان اذان الفجر بنص ساعه ولازم رز اي نوع برياني زربيان ابدع فيه يحبها ابو الشباب موووووت سعودي الشكوى لله عند اهلي قبل لانتزوج كان الفطور الاول فول علشان بابا الله يرحمة ويغفر له وخبز وتمر ودخن وقشطة وسنبوسه وسوبيا وفيمتو وتانج وعصير منجى مثلج وموية زمزم وسمبوسه لحم سمبوسه بطاطس وسمبوسه جبن وفطاير مشكله وفطاير بف ولقيمات الوالده الله يطول بعمرها ويحفضها لنا يارب يروحو الشباب والولد للصلاه وحنا البنات نصلي المغرب ونرجع لسفرتنا ونكيف على الاكل الين يرجعون من الصلاه وبعده نشيل السفره ونجيب للوالد الشاي المخدر مع لقيمات الين صلاة العشاء وكل يروح يصلي واحنا نروح للمسجد مشي وناسه مررره الله على ذيك الايام والساعه عشر نحط الشوربه والمكرونه والفطاير والسنبوسه و الشعيريه والجلي والكريمه واي حلا معها والصواني اللي مسوينها وناكل ونسولف مع الوالد ولمه حلوه تجي اختي المتزوجه وخالتي ونفلها سواء والعشاء لازم ابوي الله يرحمه يتقهوى قهوه قبل على الساعه 3 ويشرب بيالة شاهي وبعده بربع ساعه نحط السحور علشان يقراء الين الفجر ويروح للمسجد الحين بعد وفاة الوالد كل شي تغير فطور اهلي كل شي مع بعض يصلون ويرجعون للفطور وخلص وعلى الساعه 12 يسخنون الباقي من الاكل وياكلونه والسحور اي شي ياكبسة و لاسليق ولا باقي الفطور ولا قرص مفروك اي شي اذا ماثقلو بالليل يدسمون السحور وبس

الله يلحقنا رمضان وحنا بخير غير فاقدين ولا مفقودين زايدني غير ناقصين يارب حنا وكل مسلم وتنصر اهل...