اللهم اهله علينا بالعفو والعافيه
واجعلنا من صوامه وقوامه
لافاقدين ولامفقودين
أمين
الكلام عن رمضان ذو شجون مشاعرك تحسينها صادقه
نظامي تقريبا مثل نظامكم .. اصلي الفجر وانام اصحى الظهر اطلع المجمدات تذوب
اسوي مهلبيه او كريمه او جلي مو ضروري يوميا
ارجع انام شوي ..لمن ثلاثه يبدأ الشغل الصح
اعمل شوربة الشوفان باللحم شيء اساسي لزوجي وامه ..انا وعيالي ماناكلها
اكشن اللحم المفروم واضبط السمبوسه الاغلب افرزنها كل ثلاث اوربع ايام
اسوي الحلا والحلا شيء مهم وضروري للعايله ..الا انا ماعلي منه في رمضان
اسوي سبرتغ رول او اصابع الجبن او اقلي بطاطس عشان عيالي
عصير فيمتو او توت ضروري
ووبس
نفطر وبعد الفطور نجلس ع القهوة انا وعمتي وزوجي ع الشاي
عيالي ع التي في ...
ممم قبل العشا لازم اخذ لي غفوه << احب هالغفوة برمضان خخخخ
اقوم اصلي التراويح وانظف المطبخ والبيت وابخر
يااروح لبيت اخوي او حماتي تجينا او ازور خالي
او ادهر ببيتي ......
السحور ممكن كبسه او بواقي الفطور ..او فتيت هذي اكله جنوبيه لها
طعمها برمضان ..
مانعترف بالعشا في رمضان ..فطور وسحور بس
وسلامتكم
ومشكوره صاحبة الموضوع هيضت الاشجان
الله يبلغنا والجميع رمضان ونحن في احسن حال
آآآآمين

احنا االشي الاساسي بالسفره سمبوسه بالجبنه واللحم ومعكرونه تكون اي نوع ممكن باشميل ممكن بالجبنه ممكن بالدجاج

والحلى كريم كرميل احبه مره
ومااحب اكثر اصناف لاننا قليلين

الله يبلغنا رمضان ونحن في صحه وعافيه *انا نظامي في رمضان افطر في بيتي انا وزوجي واولادي ومره اومرتين بالكثير افطر عند ام زوجي احنا نسوي سفرتين الفطور الاول عباره عن فيمتو واحبه بارررررد وقهوه وتمر وقشطه ولقيمات والفطور الثاني شوربة كويكر وسنبوسه دجاج وجبن وفطائر مشكله ونوع حلى كريمه او جلي وبالنادر اسوي مكرونه او مقلقل ولازم نطلع مره اومرتين نفطر برا في فندق والحمدلله

انا نظامي ابدا بعد صلاة العصر اول يوم نجتمع عند الحموله كذا معودينهم ومن ثاني يوم اسوي شوربة شوفان اوشوربة فطر اسوي مكرونه او اسبقاتي اوصينية خضاراسوي سمبوسه لحم وجبن وفطاير اسوي لي كم صنف والحلى قليل نحلي عليه انا وبنتي بعد التراويح
والجلي والمهلبيه اسويها قبل انام طبعن اسبوع ونصير نفطر اي شي معلبات اوخفايف لان نمل من الروتين واهم شي عندي الشاي مع الفطور وزوجي وعيالي الفمتو وبث

حلو الموضوع نعومه جدا ممتاااز الله يسعدتس يااارب

ويجي رمضااان وحنا زايدين غير ناقصين ولافاقدين ولامفقودين ويرزقني باللي اتمنى يارب وتفرحني فيه

الله يلحقنا ع خير ان شاااءالله وبسعاده وصحه وعافيه ع المسلمين اجمعين وتفرجها ع الشعوب والاوطان وتديم عليهم الامن والامان

شوفي حبيبتي حنا عادة اهل زوجي دوريه برمضان وانا بعد زواجي بشهر صار رمضان ودخلت معاهم دوريه رغم اني عروس

وما اعرفهم وخجلانه وبيت جديد وناس عاداتهم غير عاداتنا والبيت ماتعودت عليه ولا في الطبخ ولا في الكرف كنت جدا جدا

متبهذله بذيك الايام الله يكتب لي الاجر يااارب وخاصه اني عروسه ومستحيه منهم لكن ماشاااءالله تبااارك الرحمن علي

صرت قدها وتحملت وصبرت لين ربي وفقني اقولتس ع عادتهم اللي مو متعوده عليها ببيت اهلي

عند اهلي لازم سمبوسه سيدة السفره وسمبوسة الجبنه عليها شيره ضروريه ع السفره وتنويع بالصواني وتسذا

الفطور الاول يكون خفيف مثل التمر والدخن والزيادي والقشطه واللقيمات والعصير السمبوسه بالفرن والعادي هذا الاول

الثاني يكون بعد صلاة التراويح مثلا صينيه انواع المكرونيه الشوربه وغيره والفطاير والبؤتزا وهيك طبعا يكون ع الساع 11 تسذا

واحيانا يكون سحور فيه واحيانا لا ع حسب العشا او الفطور الثاني اذا دسم ما فيه يغني عن السحور واذا كان خفيف نقنقه يكون السحورالله يحفظ اهلي يااارب ويديمها عليهم سعااده ياااارب

وطبعا يكون عند اهلي ومع العائله باكملها اجتماع يوم واحد في استراحه الكل يجيب معاه فطوره ونسوي بوفيه ونبدع لان يكون رجال وحريم والطلعه تكون من العصر ماشاااءالله بس يكون فيه حماااس الله يكتب لنا التوفيق من عنده

اما عند اهل زوجي مشوار وتعب بس معها وناسه وصلة رحم

مثلا الاشيااء الاساسيه توزع بينا حريم العيال ومنها الشوربه ع فلانه والمكرونيهةع فلانه والقلي ع فلانه وتسذا وفي الايام الثانيه

يتبادلونها الاسايات وراعية البيت اللي تصير الدوريه عليها تجهز القهوه والشاي وملحقاتها مع العصير والاساسي

المرق مع القرصان ذي شي اساسي عندهم ويصير حريم ورجال يعني احسن مافيها موكل شي تطبخين مقسمين الطبخ بينهم

وكل شي يحطونه ع الفطور الاول عدا القرصان يخلونها بعد التراويح مع حبى العشا ياجلي ياكريمه مهلبيه وغيره

وقبلها العشاا لازم قهوه وشاااي وحلى صح انها وناسه وجمعة ناااس

لكن اللي يقهر يروح اليوم وانتي ماجلستي زين في بيتس ولا اخذتي راحتس لان مايتفرقون الا الساعه 11 الليل. او 12

مافيه راحه ومايمديتس تنسدحين وتلينين الا جت حزة السحور وعاد انا عروس كلش ما القى وقت اسوي سحور خخخخخ

ونا ويه بحول الله وقوته اذا كتبلنا عمر الى صلاة العشاا وستوب اروح لبيتي واسنع نفسي واحس برمضان واعشي زوجي

ويصير لي حريتي واصلي التراويح واختم القران واصلي القيام العام منقهره بحياتي كل رمضان لازم اختمه العام من الضغط

ماختمته ومنقهرة عليه ع اني فوته بس الحين ابلتفت لديني وعبادتي لربي وبيتي وزوجي العام كنت مستحيه ما اسوي اي شي

وكنت اخاف يفهموني غلط لان ما اعرفهم زين لكن الحين عرفتهم وعرفت بياض قلوبهم وعادتهم كويس الله يسعدهم ويوفقهم

خخخخخخخ اخذت راحتي انا في الكلام تسن ودي افضفض وماصدقت القى هالموضوع ههههههه

الله يلحقناه بكل خير ويوفقنا لمايحبه ويرضى ويديم علينا سعادتك وصحتك وعافيتك ياكريم الله سديمها علينا نعمه وفيه الخيره يارب

ساامحوني ع الاطاله بس جد كل ناس ولهم عاداتهم وتقاليدهم الله يستر جميع المسلمين بستره