:الحمدلله,التسريحة عندي دائما مرتبة ونظيفة,قولولي ليه؟ :27:
ليه؟علشان انا الوحيدة اللي استخدمها,لاعيالي يدخلون غرفتي وحتى زوجي ما يستخدم غير عطوراته الي تكون طبعا على التسريحة,
وطريقتي في الترتيب كالتالي,,,,,
العطورات بانواعها واحجامها على التسريحة وطبعا تحتها مفرش حلو ومناسب لالوان الغرفة,وناثرة بينها ورد مجفف وشمعدانات وطبعا الفواحة,,
وكمان حاطة ارفف خشبية مذهبة صغيرة لقطع الذهب مثل الخواتم والسلاسل والساعات والكبكات الخاصة بزوجي,
اما ادراج التسريحة انا حاطة كل درج لشىء معين,مثل درج لاكسسوارات الدوام والبيت والطلعات العادية وطبعا كل شغلة في علبة بروحها مثل الخواتم في علبة والحلقان في علبة وغيرها وغيرها. وكمان درج للمكياج مقسم بنفس الطريقة كل شيء في علبة.وكمان درج لكل شيء يخص الشعر والتسريحات. ودرج لاكسسوارات السهرة والمناسبات.
وسلامتكم.....اتمنى اكون افدتكم ولو بشيء بسيط حبيباتي,,,,,,,, :27:

حشا إختي BINTalnoor شتسوين في هالأغراض كلها ،،،،،،،،،،، :30:

شوفي حبيبتي طبعا إنتي ما بتكفيج الصينية لأنه إذا الكبت ما يكفيك أكيد مثل هالأمور ما بتكفيج بس ممكن أقترح عليج إقتراح وهو إنك تخلين فوق التسريحة الأشياء اللي تستخدمينها بشكل يومي وما أعتقد إنها بتكون كثيرة يعني في اليوم الواحد شنو راح تستخدمين عموما وممكن تنسقين الأغراض من كريمات وعطورات في صينية أو أي شيء ثاني وخلي فراشي المكياج بكاس حلو يناسب التسريحة والأثاث اللي بالغرفة وخبرج في طرق كثيرة أما باقي الأغراض فرتبيها بالرفوف إللي بالتسريحة أو في الكبت بطريقة تخلي سهل عليج إنك تاخذينهم في الوقت اللي تحتاجينهم وتقدرين تستفيدين من أفكار الأخت ندااااوي في هالشيء وتقدرين تكتبين على العلب كل علبة شنو محتواها (لأن أغراضك كثيرة) ولما تحتاجين شيء يكون سهل تاخذينه أتمنى أكون أفدتج بشيء من أفكاري ولما أخلي صورة التسريحة اللي عندي شوفي يمكن فيها فكرة تفيدج ،،،،،،،،،،،،،،،، ويالله حبيبتي عن المصاريف الزايدة واللي مالج حاجة فيه لا تاخذينه :D :D :D أمزح معاج

والله شوفو انا رحت الهوم سنتر وخذيت العلاقه مالت الحمام وفيها ثلاث رفوف وزينتها

بورود وشغلات غطيت شكلها وحطيت في الرف الاول عطورات

والثاني علب الدخون والعود

والثالث كريمات

خففت الزحمه اللي على التسريحه وطلع شكلهن يجنن

انا بالنسبة لي
شريت من بو 10 دروج بلاستك صغار لاكن شكلهم تحفه شريتهم ب 25 لانهم خمس دروج الدرج الواحد 3سم صغير وتم توزيع الاتي فيهم
1-لفرش المكياج واللمعه
2-علب بودرة الوجه والخدود
3-الارواج
4-المحددات
5-اغراض العيون(كحل...مسكره....براية)
وباقي الاغراض في ادراج التسريحه
درج لزوجي
درج للظل وعلبه الكبيرة
درج للشعر واغراضه
درج خلطة كل اللي تبين
درج للذهب(الله عاد ياكثر الذهب عسى ما نحتاج اي شي وماعندنا طرت على الذهب وبعت(اهبال)
درج للجوارب والغفاز
درج للسجاد تبع الصلاة الخاص بغرفتي
وسلامتكم وتعيشون
صح الله لساني

انا بقولج شنوعلى تسريحتي.....واتمنى تعجبج ......مفرش انا خيطته بنفسي...رحت محل الستائر وشريت خام اورجنزا طالع منه اوراق شجرلونه دهبي وشريت هدب فيه اكرستالات...وخيطته..وبعدين رحت محل عندنا اسمه بوابة الهدايا وشريت شرايط قش وورده حمرا كبيره شوي....وربطتها على طرف المفرش ونازله الشرايط من الورده....وورق الشجر اللي بالخام جبت صمغ ورشيت عليه زري احمر.....
وبعدين جبت صندوق بلاستيك شفاف وحطيته على طرف التسريحه خلف الورده....
داخل الصندوق خام تور احمر ومعاه ورق مجفف......وعلى اطراف الصندوق من الداخل قلوب حمر تتلزق عشوائيا....والصندوق احط داخله العطورات فقط.....
اماادراج التسريحه شريت علب ابلاستيك من ايكيا باحجام مختلفه ولبستها ستان دهبي وعليها شرايط حمر مع ورود صغيره على زاوية العلبه والعلب تكون للمكياج....وعلب ثانيه قش من اسواق شعبيه .....لبستها من داخل بس ستان.....وحطيتها للشباصات...للاكسسوارات...وعلى كيفج...
اما داخل الكبت شريت من ايكيا علب خام وفيها سحاب من تحت....تهبببببببل....لونها بيج روعه ولزقت عليها شرايط على شكل ربطه .....حق الملافع... البيجامات....اللى تبين ....اما الملابس الداخليه وقمصان النوم.... شريت خام وسويته مثل البقشه او صره على اشكال مختلفه......اتنى افدتكم....