نظامك في النفاس ممكن اعرف اش اهم شي فيه؟

ركزي على الحلبه عشرين يوم أخلطيها مع الحليب بالفلفل وحليها بعسل طبيعي كأس الصباح وكأس المساء


بالأضافه لمغلي أعشاب عباره عن قشر قهوه وكمون وقرفه وزنجبيل ونانخه وشمر. سويها في ترمس صغير أشربي فترة العصر

كلها تنظف الرحم وكويسه للغازات وتشد الجسم


وإذا وقفتي المضاد اللي يصرفونه المستشفى كل ثلاث ايام أشربي فنجان مر

في العشرين الاخيره إذا حابه تستمرين في الحلبه عادي ولاتصدقين إللي يقولون تجيب مويات وإذا تبغين توقفينها مو مشكله بس تبقين على مغلي الاعشاب وتبدأين تلهمين رشاد مع حبة سوداء ملعقه صغيره إلى آخر النفاس

بعد ماتنشفين أستخدمي الكبو خوا جوا وقشر بصل ومر وإللي تبين تضيفينه

بس مودايم يعني فترة النفاس مرتين أو ثلاث

وسوي تحاميل البوثيل الطبيه بعد ماتطهرين

وبالنسبه للغسول أستخدمي الدباغ أو الارطى أغليه مع ملح فارسي وقشر رمان ومر وأضيفي له ملح خشن وصفيه وخليه بلعبة وتشطفي منه

هذا جدولي بسيط ولافيه خرابيط ولالهومات ماعدا الرشاد في العشرين الاخيره ملعقه صغيره

ومشاء الله إذا شفت شكاوي الحريم رغم كثر الأشياء اللي يستخدمونها أتمسك بنظامي اكثر واحسه أكثر من ممتاز

انا مع الاخت معالي كفت ووفت وعليك بالمر مره ممتاز أشربيه وسويه زي الكريم أدهني المنطقه بعد ماتنفك الخيوط بالمره

ياليت الكل يشارك عشان نفيد ونستفيد


بالنسبه للخيوط بعد ما تعدي عليك 10 ايام وتحسي انوا لحمك انشد

استخدمي مرهم ميبو مره روعه للخيوط ينزلها بسرعه ويلتئم الجرح

واشربي المنقوعه
والماء اشربي طول اليوم كوب ماء بس
واستخدمي غسول الارطا مع المر والملح امي تمدحه

بالنسبة للخيوط ...

فيه كريم احمر يسكن الالم وصغير الظاهر اسمه فيوسيدرم
وكنت استخدم مره هو ومره ميبو لانه يساعد على الالتئام و مره خوجوا مع زيت زيتون ..

وطبعا قولي للدكتورة تصرف لك مسكن ومضاد علشان الخيوط ..

والاكل الصراحه ما عندي خلفيه مره ..
الله يهون عليك