نظامي الغذائي..واايد سهل!

السلام عليكم...
هذا النظام الغذائي وااااايد سهل ووايد حبيته..لقيته في النت وقلت اجربه .... يوم التزم فيه انقص 1 كيلو في الاسبوع تقريبا...

**الإفطار
ربع رغيف أسمر
قطعة جبنة قليلة الدسم أو علبة زبادي قليل الدسم أو بيضة مسلوقة أو 5 ملاعق فول صغيرة
شاي أو قهوة بدون سكر .

** الغذاء
طبق سلطة خضراء قبل الأكل أو طبق خضار مسلوقة (باميه ، ملوخية ، كوسا ، باذنجان ، سلق ، سبانخ ، فاصوليا خضراء)
قطعة لحم بدون دهن أو ربع دجاج بدون جلد مشوي أو مسلوق أو قطعة سمك.
ربع رغيف أسمر أو 5 ملاعق أرز .
الفاكهة : حبة واحدة (تفاح أو برتقال) .

**العشاء (يفضل قبل الساعة الثامنه)
ربع رغيف أسمر
طبق سلطات أو طبق خضار
قطعة جبنة قليل الدسم أو علبة زبادي قليل الدسم ، أو بيضة مسلوقة أو 5 ملاعق صغيرة فول أو بيضة مسلوقة
حبة فاكهة

طبعا أنا ما التزمت فيه بالضبط...يعني مثلا ما قدرت اوقف السكر! بس غيرته الى اسمر وخففت الكمية..والعصر لازم اشرب كوب حليب قليل الدسم مع نسكافيه بدون كافيين..والغداء لو مسوين برياني أو صالونه أو مجبوس احط 5 ملاعق أرز مع الدجاج او السمك او اللحم..

ولا تنسون الرياضه عشان تنقصون أكثر!

والله يا خواتي قبل لا ابتدي هذا النظام اني كنت آكل صحن كبير من الرز وبطني صاير كبير... لكن اللحين صرت اشبع بسرعه وبطني واااايد صغر وصار هذا النظام مثل روتين عندي...

وعلى فكره تراني اللحين انا مرضع وبعد كملت شهرين رديت عليه بس أكل زيادة فواكه تساعد على ادرار الحليب مثل العنب والتمر مع حبوب الفيتامينات والحمدالله ما نقص الحليب ووزني رجع مثل ما كان بس بعدني ابى انقص زياده:)