نظامي الي كان فعال في نزول وزني ومايرجع بسرعه

سلام بنات
كيف حالكم ,,

ابسولف معكم عن نظامي الي سويته من 3 سنوات ونزلت عليه 7كيلو
من 68الى 61
والحمدالله طول فتره الثلاث سنوات مارجعت للوزن الاولاني كنت ازيد بس مع كثر اللخبطه في رمضان او في موسم البرد 2 كيلو وارجع انزلهم من جديد ..
الان مع اللخبطه وكثر الطلعات والكشتات زوتها زدت 3 كيلو :024:
وانا الان باديه في من يومين ابغى انزلهم وزياده عليهم

نظامي كان آكل من كلشي عادي لكن بكميات محدده ووجبة العشا الغى النشويات واستخدم سكر الذره
وكنت آكل اكل لذيذ ماحسيت بحرمان كثير ...
بس يحتاج اسيطر على نفس اول يومين ومن بعدها الشهيه الزايده واللهفه تبتدي تخف وتتوازن
بالاضافه الى المشي ويوم اللي اكون مشغوله ماقدر اطلع اسوي رياضة تنطيط ومو شرط كل يوم
ويوم الجمعه اخليه فري بمعنى فري افل امها مااخلي حاجه في نفسي :biggrinlo استاهل المكافئه

ونظام اكلي كان :
الفطور / قطعة توست بر مع اي شي بيض او جبن او زعتر مع كاس حليب شوكولاته او شاي بحليب اونسكافيه

الغدا / اي صنف كبسه او مكرونه او مجدره بمقدار 7 ملاعق مع بروتين دجاج لحم سمك الي تبين

واحيانا اضيف خضار سوتيه +سلطه + تمرتين
المشروبات البارده عندي ضروريه كنت اشرب / ايس تي او لبن او برتقال


السناك: / قهوه / تمرتين / قطعة بسكوت دايجستف / شاي بحليب / فواكه مجففه مكسرات كميه قليله ملعقتين حلى اي نوع
والفاكهه اي وقت تشتهين كلي حبه مافي مشكله



العشا : اقطع النشويات واتعشى باي شي يا شوربة خضار او فطر مشوح مع بصل او حبة باذنجان مشويه بملعقة طحينه او 3 حبات فلافل الخيارات كثيره اهم شي اتجنب النشويات بوجبة العشى

واللي تبي اكتب لها بعض الوصفات حاظرين للطيبين


ويوم الجمعه اخليه اجازتي افل امها في الآكل اروح اتغدى بمطعم واعبي لي الطاوله ههههه
وبالعصر احلي مولتن كيك او ايسكريم باسكن كل اللي مشتهيته آكله :a_smil17:
يعني اتسحر لاسبوع كامل هههههه:f226:
او اني اخلي يوم الإجازه لعزيمه او عرس


طبعا النزول بالطريقه ذي راح يكون على الراحه مافي إستعجال اهم شي الاكل مسموح باعتدال والنفسيه تمام تمارسي حياتك بشكل عادي ....انما النتيجه تستاهل :tongue3:
واحلى شي تحسين نفسك تعودتي ع الاكل بكميات مناسبه ووزنك اللي نزل يثبت مضبوط

واللي تبي طريقة التثبيت بعد ماتخلصي نزول هم حاظرين
وبس سلامتكم ... اللي تبي تبتدي معي حياها تسجل حضور:heart: